اسلام آباد۔ 07 جنوری (اے پی پی) ترجمان دفترخارجہ اوغان گل زمین نا پاکستان نا برخلاف دہشت گردی کن کاریم اٹ اتنگ نا ترندی اٹ مذمت ءِ کرینے۔ پنچ شنبے نادے آ ترجمان اسہ بیان اسے ٹی پارینے کہ تدوک آ دے اوغانستان نا تہہ آن دہشت گردآک جہانی سیم انا ایپار آن ضلع مہمند اٹ اسہ فوجی چوکی اسے آ سم کاری کریر۔ پاک فوج ہم دمدستی وڑاٹ ورندی کارروائی کرے۔اسہ ایلو آ سم کاری ٹی شانگلہ نا ہنکینی، ایف سی نا سپاہی فضل واحد، وئی 25 سال ءِ گولی اس لگنگ آن ٹھپی مس و شہیدمس۔ ترجمان پارے کہ نن پاکستان نا برخلاف دہشت گرد سرجزآتیکن اوغان گل زمین نا کاریم اٹ اتنگ نا ترندی اٹ مذمت ءِ کینہ۔ پاکستان اوغان حکومت آن خواست کرینے کہ او پاکستانی سیکورٹی فورس آتے شست کننگ کن اوغانستان اٹی جوڑ رکھوک پناہ گاہ پٹے و دہشت گرد و دہشت گرد رڑتا برخلاف دمدستی کارروائی کے۔
