اسلام آباد۔ 07 جنوری (اے پی پی) وزیراعظم عمران خان نومبر و دسمبر 2020اٹی برآمد آتیٹی ودکی آ برآمد کنندگان و وزارت واپار ءِ مبارکبادی تسنے۔ وزیراعظم دوشنبے نادے آ تینا ٹویٹ اٹی پارے کہ نومبر و دسمبر 2020ء ٹی پاکستانی برآمد آتیٹی ودکی وزارت واپار نا سرسہبی ءِ۔ پاکستان نا برآمد آتیٹی علاقہ نا ایلو ملک آتا مقابلہ ٹی ودکی مسنے وخت اس کہ پاکستان نا مقابلہ ٹی بھارت و بنگلہ دیش نا برآمد آتیٹی کمتی مسنے۔ ٹویٹ اٹی وزیراعظم نومبر و دسمبر 2020اٹی پاکستان،بھارت و بنگلہ دیش نا برآمد آتا تقابلی حساب وکتاب ءِ ہم شیئرکرینے۔ نومبر 2020اٹی پاکستانی برآمدآتیٹی 8.32 درسد ودسمبر اٹی 18.30درسد نا ودکی مس وخت اس کہ بھارتی برآمد آتا کچ اٹی نومبر اٹی 9.07 درسدو دسمبر اٹی 0.80درسد وخت اس کہ بنگلہ دیش نا برآمد آتیٹی نومبر 2020اٹی 0.76درسد و دسمبر 2020اٹی 6.11 درسد نا کمتی مس۔
