پاکستان افریقی ملک آنی گوما وتی دو نیمگی یکوئی آناں سک باز ارزشت دنت، وزیر ءِ درئی کار شاہ محمود قریشی

اسلام آباد۔6جنوری  (اے پی پی): وزیر ءِ  درئی کار شاہ محمود  قریشی ءَ گوشت  کہ پاکستان ،  افریقی ملک آنی گوما وتی دو نیمگی یکوئی آناں سک باز ارزشت دنت، ما روایتی سفارت کاری ءَ را معاشی سفارت کاری ءَ گوں ھمگام کتگ، کورونا  ھوپ ءَ ابید مئے ڈنی تجارت آنی کساس 7 درسد گیشی بوتگ۔ ” انگیج افریقہ پالیشی”ءِ چیر دستی ءَ وزیر  درئی کار مخدوم شاہ محمود قریشی ءِ سروکی ءَ معاشی سفارت کاری ءِ سیمی دیوان چار شمبے ءَ وزارت ءِ درئی  کار ءَ برجم دارگ بوت۔  “انگیج افریقہ پالیشی” ءِ چیر دستی ءَ وزیر ءِ درئی کار مخدوم شاہ محمود قریشی ءِ سروکی ءَ معاشی سفارت کاری ءِ سیمی دیوان  چار شمبے ءَ  وزارت ءِ درئی کار ءَ برجم دارگ بوت۔  دیوان ءَ سیکرٹری درئی کار سہیل محمود ءُ وزارت ءِ درئی کار ءِ کلانہ ایں اپسرگ وھدیکہ افریقہ ءَ استیں  چاردھ پاکستانی سفارت خانہ آنی سروک/ سفیر آں ورچول  ءَ شریکی کت۔ افریقہ ملک آں پوسٹیں پاکستانی سفیر آں معاشی سفارت کاری ءِ چیر دستی ءَ وزارت  ءِ درئی کار ءِ نیمگ ءَ منوگر کتگیں سیم سر آنی در جنگ ءِ واستہ کتگیں کوشست آنی بابت ءَ وزیر ءِ درئی کار ءَ را سرپد کت۔