اسلام آباد۔ 06 جنوری (اے پی پی) وزیراعظم عمران خان پارینے کہ ہزارہ برادری ءِ باور کرفینہ کہ اواوفتا ڈکھیائی تے چٹفک، حکومت آخبت داوڑنا جلہو آتے توننگ کن گام گیج کننگ ءِ، ہمسایہ ملک فرقہ وارانہ دہشت گردی ءِ تہو تننگ ءِ، تینا الس نا پت ءِ پرغپرہ۔ پدسلوک خاہوت آتون دعا و ہڑزخواہی کن ساڑی مریوہ۔ چارشنبے نادے آ تینا ٹویٹ اٹی وزیراعظم پارے کہ او مچھ اٹی مروک آ دہشت گردی نا شست مروک آ ہزارہ برادری نا مخلوق ءِ باوری کرفک کہ او اوفتا ڈکھ و خواست آتیان واقف ءِ۔ آخبت اٹ داوڑنا جلہو آتا توننگ کن گام گیج کننگ انگ ءِ و چانہ کہ ننا ہمسایہ ملک فرقہ وارانہ دہشت گردی ءِ تہو تننگ ءِ۔ وزیراعظم پارے کہ او پدسلوک آ خاہوت آتا غم اٹی شریک ءِ و داکان مست ہم مشکل نا ساہت اٹی اوفتیا بسوسس۔ بھاز زوت اسہ وار ولدا غٹ پدسلوک خاہوت آتون دعا و ہڑزخواہی کن ساڑی مریک۔ وزیراعظم پارے کہ او اسُل تینا الس نا پت ءِ پرغپک۔ اوشہید آتا خاہوت آتیان خواست کرے کہ او تینا سیال و قریب آتے جہہ جاگہ کیر تانکہ اوفتا روح ءِ سکون ملے۔
