اسلام آباد۔ 06 جنوری (اے پی پی) بنجائی وزیرتوانائی عمرایوب خان تون پاکستان اٹ سعودی عرب نا سفیر نواف بن سعید احمد المالکی اوڑدہی کرے۔ وزیراعظم نا خصوصی کمکار پٹرولیم ندیم بابر و سیکرٹری پاور ڈویژن علی رضابھٹہ، ئسک ہم داوڑدہی ٹی ساڑی ئسر۔ اوڑدہی ٹی ہڑتوم آ کڑدہ غاک پٹرولیم وتوانائی نا بشخ اٹی پاکستان و سعودی عرب نا اسیجاڈٹ آتیا گپ وتران کریر۔ بنجائی وزیر پاکستان نا زرگزرانی شونداری نا مون آ دنگن کن متنوع بشخ آتیٹی ساڑی حکومت نا کنڈآن درستی راستی کرفوک آ زرکاری دوست پالیسی و داڑآن مروک آ توانائی سیکٹر اٹی شونداری آن معلومدار کرے۔ وزیر پارے کہ توانائی نا بشخ انا متنوع مارکیٹ ملک انا زرگزرانی نمو و زرکاری ءِ مون آ دیک۔ اوسعودی سفیر ءِ داہم پارے کہ حکومت بجلی نا پیدوار کن پوسکن آ قابل تجدید توانائی پالیسی نا رداٹ توانائی نا ڈٹ آتیا چکار کننگ ءِ و تیل و گیس انا بشخ اٹی ایکسپلوریشن و پروڈکشن نا بابت سرجزآتے بحال کننگ انگ ءِ۔ سعودی سفیر پارے کہ وزیر توانائی و اونا ٹیم انا کنڈآن توانائی نا بشخ اٹی پاک سعودی ڈٹ آتیکن کروک آ کوشست آک ستاکڑزرہ۔ اواومیت ظاہر کرے کہ حکومت پاکستان ہڑتوم آ مسلم برادر ملک آتا نیام اٹ ہڑتوم آ کنڈآتا تعلقداری تے سوگو کننگ کن کاریم کرسا کیک۔
