اسلام آباد۔ 06 جنوری (اے پی پی) وزیراعظم نا خصوصی کمکار جان جوڑی ڈاکٹر فیصل سلطان پارینے کہ کورونا ویکسین اینخو سال مارچ اسکان پاکستان اٹ دستیاب مریک۔ تینا اسہ انٹرویو اسے ٹی اوپارے کہ فرنٹ لائن ہیلتھ ورکرز و 65 آن زیات وئی نا مخلوق ءِ کورونا دین آن بچفنگ نا ویکسین اولیکو ریسہ ٹی تننگک۔ اوپارے کہ نن کورونا دین انا ویکسین نا ہلنگ کن ہرمسٹ آ کمپنی تتون رابطہ ٹی اُن۔ اوپارے کہ کورونا دین انا اولیکو ریسہ اسہ خطرناک ءُ ریسہ اس ئس ہرا مچ آ دنیا نا مخلوق نا اسہ بھلو کچ اسے زہمی کریسس۔ اوشاری تیا زور شاغا کہ او کورونا دین ءِ تالانی آن توننگ کن (ایس او پی) تیا عمل کیر۔ تانکہ دا کورونا دین انا اولیکو ریسہ آنبار ارٹ میکوریسہ نا تالانی ءِ ہم سرسہبی اٹ توننگ مرے۔
