کابل ۔ 13مارچ (اے پی پی) دے ٹکی اوغانستان اٹی امریکی جاسوس جہاز اسے ناجلہو و سیکورٹی فورس آتا کارروائی تیٹی 20 عسکریت پسند و 10 سیکورٹی کارندہ تپاخت کریر۔ ارزگان اٹی بارودی سرنگ اس تخنگ ناوخت آ وخت آن مست مروک آ دھماکہ ٹی 5طالبان تپاخت کریر۔ اوغان میڈیا نا رداٹ کمامدارآک پاریر کہ ننگرہار اٹی امریکی جاسوس جہاز اسے نا جلہو و چندی کارروائی تیٹی 11 طالبان ، داعش نا 9 کارندہ و سیکورٹی فورس آتا 10 کارندہ تپاخت کریر۔ کمامدارآتا رداٹ داکارروائیک ضلع غنی خیل، کوٹ و خوگیانی ٹی کننگار ۔ کمامدارآتارداٹ امریکی جاسوس جہاز آک غنی خیل نا علاقہ ٹی اسہ شکبر ئُ ٹھکانہ اسے نشانہ جوڑ کریر، کمامدارآک دا کارروائی تیٹی 10 سیکورٹی کارندہ غاتا خلنگ ئِ پک کرینو۔ سویلی صوبہ ارزگان اٹی بارودی سرنگ تخنگ نا وخت آ وخت آن مست مروک آ دھماکہ ٹی 5طالبان تپاخت کریر۔ اوغان کمامدارآتارداٹ بارودی سرنگ نا ترخنگ نا واقعہ ضلع چورہ ٹی پیش بس۔ لغمان نا ضلع علی شنگ اٹی اسہ جھیڑہ اسے ٹی طالبان کمانڈرا س تپاخت کرے۔
