اسلام آباد۔ 06 جنوری (اے پی پی) وزیراعظم نا خصوصی کمکار پٹرولیم ندیم بابر پارینے کہ اُرائی صارف آتا خواست ءِ پورو کننگ کن سی این جی و غیر برآمدی صنعت آتا گیس انا فراوانی ءِ کشکنگانے، اُرائی صارف آتے گیس فراوان کننگ ءِ اولیت ایتنہ، ہندی گیس انا کمتی ءِ ایل این جی درآمد کرسا پورو کننگ انگ ءِ، اومیت ءِ کہ بروک آ اِراہفتہ ٹی گیس پریشر پین گچین مریک۔ چارشنبے نادے آ اسہ بیان اسے ٹی اوپارے کہ معاہدہ نا رداٹ گیس کمپنیک یخ آتیٹی کیپٹوپاور انڈسٹری ءِ گیس فراوان کننگ نا پابند افس، ولے دسمبر نا آخیریکو ہفتہ اسکان کیپٹوپاور انڈسٹری ءِ گیس انا فراوانی برجاسلیس، ندیم بابر پارے کہ غیر برآمدی صنعت آک گیس انا دستیاب مفننگ اٹ بجلی آن تینا گرج آتے پورو کننگ کیرہ، 15 نان ایکسسپورٹ انڈسٹری تتون بجلی کنکشن ہی ساڑی اف، ندیم بابر پارے کہ ملک اٹی ہندی گیس انا پیدوار اٹی کمتی مسنے، ہندی گیس انا کمتی ءِ ایل این جی درآمد کرسا پورو کننگ انگ ءِ، جنوری و دسمبر اٹ اُرائی صارف آتا کنڈآن گیس انا خواست اٹ ودکی اِراہنداخہ مریک، اومیت ءِ کہ اِراہفتہ ٹی گیس پریشر پین گچین مریک۔
