کابل۔ 06 جنوری (اے پی پی) اوغانستان نا دے ٹکی صوبہ کنڑ اٹی طالبان عسکریت پسند آتا سیکورٹی چیک پوسٹ آ جلہواٹی 2 پولیس کارندہ زوال و 2 ٹھپی مسر وخت اس کہ اسہ ایلو آ سم کاری ٹی عسکریت پسند ہم خلنگار۔ چینی خبررساں ادارہ نا رداٹ صوبائی پولیس نا ترجمان فرید دہقان پارے کہ تدوک آ نن طالبانک ضلع سرکانوٹی ساڑی سیکورٹی چیک پوسٹ ءِ شست کریر ہراٹی 2 پولیس کارندہ زوال و 2 ٹھپی مسر وخت اس کہ اسہ ایلو آ سم کاری ٹی طالبان تے ہم زوال کننگ نا دروشم اٹ نسخان ہرفوئی تما۔ عہدیدار طالبان عسکریت پسند آتا زوال مننگ نا پیدوار کچ ءِ پاتو، طالبانک دابابت ہچ ءُ بیان اس جاری کتنو۔
