وزیراعلیٰ بلوچستان جام کمال نا کماشی ٹی صوبہ ٹی امن و ایمنی نا حالیت آتا بابت بڑزکو کہول انا دیوان آن تران

کوئٹہ۔ 06 جنوری (اے پی پی) وزیراعلیٰ بلوچستان جام کمال نا پاننگ ءِ کہ سانحہ مچھ اٹی اوار دہشت گرد زموار آتے اوفتے اوفتا کروک نا سزا ترفنگک، کوئٹہ ٹی وزیراعلیٰ سیکرٹریٹ اٹ وزیراعلیٰ بلوچستان جام کمال نا کماشی ٹی صوبہ ٹی امن و ایمنی نا حالیت آتا بابت بڑزکو کہول انا دیوان برجاءِ، ہراٹی صوبائی وزیر داخلہ میر ضیاء لانگو، چیف سیکرٹری فضیل اصغر، ایڈیشنل چیف سیکرٹری داخلہ، آئی جی ایف سی تون اوار ایلو بڑزکو کمامدارآک ہم ساڑی ئسر۔ ایڈیشنل چیف سیکرٹری، آئی جی ایف سی وزیراعلیٰ ءِ دیوان اٹ بلوچستان اٹ امن و ایمنی نا بابت حالیت آتون اوار سانحہ مچھ انا بابت سرجم حوال تسر و مچھ واقعہ غان پد انا حالیت آتیان معلومدار کریر۔ وزیراعلیٰ بلوچستان جام کمال خان پارے کہ مچھ اٹی پیش بروک آ واقعہ است ہسونی نا سوب ءِ، حکومت زہمی تے تنیا ہلیپک، الس نا جان و مال انا رکھ حکومت نا زمواری ءِ، سانحہ مچھ انا درندہ غاتے انجام اسکان سرکینہ۔