اسلام آباد۔5جنوری (اے پی پی):صدر مملکت ڈاکٹر عارف علوی ءَ گوشت وت واجئی ھک بنی آدم آنی بنیاتی بھر انت، میاں اوستمانی برات آناں بھارتی گیر کانودی مقبوضہ جموں کشمیر ءِ بزگیں الس آنی بابت ءَ وتی دل یکیمی ءُ زمہ واری آناں پیلو کنگ لوٹ ایت، پاکستان کشمیر ءِ یونائیٹڈ نیشن ءِ سلامتی کونسل ءِ منوگری آنی رد ءَ وت وائی ءِ در جنگ ءِ جہد ءُ کوشست ءِ پجاری ءَ ھمک رنگیں کمک جاڑی دار ایت۔ کشمیر ءِ یونائیٹڈ نیشن ءِ وت واجئی ھک ءِ موہ ءَ وتی کلوہ ءَ صدر ءِ مملکت ءَ گوشت کہ ھمک سال 5 جنوری ءَ جموں کشمیر ءِ مردم آنی واستہ وت واجئی ءِ رنگ ءَ برجم دار ایت، اے روچ اے گپ ءِ یات ءَ گیج ایت۔ میاں اوستمانی برات بھارتی گیر کانودی مقبوضہ جموں کمشیر ءِ ظلم ءُ الس آنی بابت ءَ وتی زمہ واری آنی سر ءَ چماں جھل کت نہ کنت۔ آئی ءَ گوشت کہ 5 جنوری 1949 ءَ یونائیٹڈ نیشن ءِ کمیشن برائے بھارت ءُ پاکستان (یو این سی آئی پی) ءَ منوگری منظوری کتگ بوتگ ایش جموں کشمیر ءِ الس آناں وتی وت واجئی ھک ءِ در جنگ زامنی ءَ دنت۔ صدر ءِ مملکت ءَ گوشت کہ یونائیٹڈ نیشن ءَ را 72 سال ءَ پیسر کتگیں وتی سوگند آناں پیلو کنگ لوٹ ایت۔ کشمیری الس آنان یکجائی رنگ ءَ اُرد آنی نیمگ ءَ سزا دیگ بوھگ ءَ انت ءُ پڑ ءَ را سرجمیں دگنیا ءِ درستاں چہ مستریں اُردی زون جوڑ کنگ بوتگ۔ بھارت میاں اوستمانی کانود ءُ چارمی جنیوا کنونشن ءِ ھلاپ ءَ کنان ءَ مقبوضہ جموں کشمیر ءِ پڑ ءَ را نوکیں آباتی آبات کنگ ءِ تہ ءَ مٹ کنگ ءَ انت۔ آئی ءَ گوشت کہ پاکستان جموں کشمیر ءِ مردم آنی یونائیٹڈ نیشن ءِ سلامتی کونسل ءِ منوگری آنی رد ءَ وت واجئی ھک ءِ در جنگ ءَ تاں ھمک رنگیں کمک آناں جاڑی دار ایت۔
