اسلام آباد۔5جنوری (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ وت واجئی ھک بنی آدم آنی بنیاتی پیدائشی ءُ میاں اوستمانی ھک انت، کشمیری آجوہ کاریں سرمچار آناں سلامت پیش کناں ، آواناں اچ رنگیں زوراکی ءُ ظلم اے وت واجئی در جنگ ءِ کشک ءَ چہ گستا کت نہ کنت۔ سئے شمبے ءَ بنجاھی وزیر اھوالکاری ءُ شنگ کاری سینیٹر شبلی فراز ءَ وتی ٹویٹ ءَ گوشت کہ وت واجئی ھک ءِ شرپ ءُ ازت ایشی المیگیں بھر انت۔ ایشی رد کنگ بنی آدمی آزاتی، شرپ ءُ ازت ءُ رھبند آنی لگت مالی انت، مرچگیں روچ یونائیٹڈ نیشن ءِ یات ءَ گیج ایت کہ سیکورٹی کونسل ءِ 5 جنوری 1949 ءَ مقبوضہ جموں کشمیر ءِ الس آناں وت واجئی ھک ءِ منوگری ءَ را انوگ ءَ تاں عمل نہ بوتگ، دگنیا مقبوضہ کشمیر ءَ بنی آدمی ھک آنی ھلاپ ءَ بھارتی کرائم آنی ھوالگ ءَ ھاموشی ءَ بہ پروش ایت۔ آئی ءَ گوشت کہ مزن وزیر عمران خان ھمک عالمی فورم ءِ سر ءَ کشمیری آنی وکیل ءُ سفیر جوڑ بوھان ءَ دلیریں کشمیر آنی کیس ءَ گوں جوانیں رپک ءُ نمونگ ءَ مڈگ ءَ انت ءُ بھارت ءِ سیاھیں لکا ءَ را سہرا کناں۔
