ملتان ۔5جنوری (اے پی پی): وزیر ءِ مملکت برائے موسمی مٹ ءُ بدلی زرتاج گل ءَ گوشت کہ استیں حکومت ءَ کشمیر ءِ کیس ءَ را جوانیں رنگ ءَ دگنیا ءِ دیم ءَ پیش کتگ گوستگیں وھد ءَ ایشی ءِ درور نہ رس ایت، میاں اوستمانی برات آناں مقبوضہ کشمیر ءَ بنی آدمی ھک آنی لگت مال کنوک آنی ھلاپ ءَ نوٹس زوگ لوٹ ایت۔ سئے شمبے ءِ روچ ءَ وت واجئی ھک ءِ روچ ءِ رد ءَ برجم داشتگیں موہ ءَ اے پی پی ءَ گوں تران کنان ءَ زرتاج گل ءَ گوشت کہ 5 جنوری 1949 ءَ یونائیٹڈ نیشن ءَ جموں کشمیر ءِ الس آناں وت واجئی ھک ءِ زامنی داتگ ایشی ءِ را سرجم بوھگی انت۔ آئی ءَ گوشت کہ مزن وزیر عمران خان کشمیر ءِ سفیر انت ءُ مرچی سرجمیں دگنیا ءِ ھمک پلیٹ فارم ءِ سر ءَ کشمیر ءِ جیڈھ باست ءُ واست بوھگ ءَ انت۔ مرچگیں کشمیر ءَر ا وت واجئی ھک ءِ یونائیٹڈ نیشن ءُ سلامتی کونسل ءَ داتگ بوتگ ءُ مرچی سرجمیں یونائیٹڈ نیشن ءُ باسکیں ملک آں کشمیر ءِ سوگند ءَ را یات ءَ گیجگ بوتگ۔ آئی ءَ گوشت کہ اے روچ ءِ درگت ءَ سرجمیں ملک ءَ ھم کشمیر ءِ گوما یکوئی ءِ ھوالگ ءَ ریلی کشگ بوھگ ءَ انت ءُ پاکستانی الس آں سہرا کتگ کہ آ ھمک پلیٹ فارم ءِ سر ءَ کشمیری برات ءُ گُہار آنی گوما ھمگام انت۔ زرتاج گل ءَ گوشت کہ پاکستان ءِ گہتریں درئی پالیشی ءِ سبب ءَ سرجمیں دگنیا پاکستان ءُ کشمیر ءِ بن گپ ءِ ھمبراہ داری ءَ کنگ ءَ آں۔
