اسلام آباد۔5جنوری (اے پی پی): وزیر ءِ درئی کار مخدوم شاہ محمود قریشی ءَ گوشت کہ کشمیری الس آں گوستگیں 72 سال آں چہ یونائیٹڈ نیشن ءِ نیمگ ءَ وت واجئی ھک ءِ ھوالگ ءَ آواں گوں کتگیں سوگند آنی وداریگ آں۔ سرجمیں پاکستانی راج، ملکی ارد، پاکستان ءِ چُک چُک کشمیری آنی گوما ھمگام ءَ اوشتاتگ۔ سئے شمبے ءَ کشمیری آنی گوما کتگیں وت واجئی ھک 5 جنوری ءِ ھوالگ ءَ یک ارزشتی ایں بیانے ءِ تہ ءَ وزیر ءِ درئی کار ءَ گوشت کہ کشمیری آناں وت واجئی ھک ءِ پجاری ءَ سوگند یونائیٹڈ نیشن وڑیں میاں اوستمانی ادارگ ایگ انت۔ اے سوگند گوستگیں 72 سال ءَ چہ سرجمی یے وداریگ انت۔ بھارت ءَ وت واجئی ھک ءِ کشک ءَ پینگ جتگ، ایشاناں لگت مال کنگ ءِ واستہ سیاھیں کانود جوڑ کتگ مخدوم شاہ محمود قریشی ءَ گوشت کہ بھارت ءَ زوراکی ءَ گوں حریت سروک آناں بندی کتگ بلے دلبڈیں گپ ایش اینت کہک کشمیر ءِ جوزگ مرچی ھم ھمینکیاس مھکم انت انچوش کہ 72 سال پیسر بوتگ۔ مرچی روچ ءَ مقبوضہ کشمیر، آزات کشمیر ءُ سرجمیں دگنیا ءَ نندوکیں کشمیری آناں اے کلوہ دیگ لوٹاں کہ من شمے وت واجئی ھک ءِ شوہاز ءُ کوشست ءَ شمے گوما ھمگام آں شاہ محمود قریشی ءَ گوشت کہ من شمے قربانی آناں سلام پیش کناں۔ سرجمیں پاکستانی راج پاکستان ءِ ارد ، پاکستان ءِ چُک چُک شمے گوما ھمگام ءَ اوشتاتگ۔ ھمک روچ مئے کوپگ ءَ را بار لڈگ ءُ ایشرا پروشگ ءِ جہد کنگ بوھگ ءَ انت پاکستان ءَ را بے ایمنی یے وڈالیگ کنگ ءِ پندل ساچگ بیت بلے ما اچ رنگ ءَ وتی بن گپ ءَ چہ پشت کنز نہ باں۔ شاہ محمود قریشی ءَ گوشت کہ ما جی 5 ملک آنی گوما سرجمیں دگنیا ءِ گوما رابطہ ءَ ما ایشاناں بھارتی جزم، وتی نہ وشتی ءُ پڑے ءَ ایمنی ءِ جاور ھال آنی بابت ءَ یک شل ءَ سرپد آں وھدیکہ ای یوڈس انفولیب ءِ رپوٹ ءَ بھارتی جزم ءَ را سہرا کتگ۔
