لکسمبرگ ۔5جنوری (اے پی پی):پاکستان ءَ کشمیری بنی آدمی ھک آنی کار کنوکیں باسک ءُ سیاسی سروک آسیہ اندرابی ءِ جیڈھ یورپی نونین ءِ گوما چست کتگ ۔ اے رد ءَ یورپی یونین، بیلجیئم ءُ لکسمبرگ ءَ پاکستان ءِ سفیر ظہیر اے جنجوعہ ءَ سئے شمبے ءَ یورپی پارلیمنٹ ءَ سیاسی گروپ ءِ سروک ءُ یورپی یونین ءِ ھاسیں نماھندگ برائے بنی آدمی ھک آنی پھریزوک ءَ را یک نمدی ءِ نبشتہ کتگ۔ پاکستان ءَ یورپی یونین ءِ سر ءَ زور پر داتگ کہ آ بھارت ءَ را بدنام زمانگ تھاڑ جیل ءَ کیزیں کشمیر بنی آدمی ھک آنی بابت ءَ کار کنوکیں باسک ءُ سیاسی سروک آسیہ اندرابی ءِ زوت یلوئی ءِ واستہ پینگ مان کنگ ءُ آمید گس ءِ نیمگ ءَ “فرد جرم” جنگ ءِ ترس ءَ را دارگ ءِ واستہ وتی کرد ءَ پیلو بکنت۔ آسیہ اندرابی آرمڈ فورسز اسپیشل پاور ایکٹ (اے ایف ایس پی اے ) ءُ پبلک سیفٹی ایکٹ (پی ایس اے) وڑیں سیاھیں کانود آنی چیر دستی ءَ 15 سال ءَ چہ گیش گیر کانودی رنگ ءَ جیل ءِ اندر ءَ کیز انت۔ آسیہ اندرابی ءَ پیسر ءَ پی ایس اے ءِ چیر دستی ءَ وتی لوگ واجہ ءُ شش مال ءِ زھگ ءَ ھوار 1992 ءَ دزگیر کنگ بوتگ۔ 1992 ءُ 2016 ءِ نیام ءَ ایشرا زوراکیں فورسز آنی نیمگ ءَ جتا جتائیں رند ءَ کیز ءِ اندر ءَ کنگ بوتگ۔ بھارت ءَ نوں آسیہ اندرابی ءَ را آئی ءِ ھمبراہ ناہیدہ نسرینءُ فہمیدہ صوفی ءِ ھمبراھی ءَ گیر کانودی رنگ ءَ آوار جتگ ایکٹ (یو اے پی اے) ءِ چیر دستی ءَ کیس چلائینگ ءُ ھمروچگیں رنگ ءَ چہ جتا آمید گس ءَ کیس چلائینگ ءَ را ترند کتگ ءُ یات دارگ بہ بیت کہ آمید گس ءِ اندر ءَکوشگ ءِ بیم ھم است انت۔ یو اے پیاے ءَ را یونائیٹڈ نیشن ءِ جتا جتائیں ھاسیں کار رپک آنی نیمگ ءَ بنی آدمی ھک آنی میاں اوستمانی کد ءُ بالاد ءِ رد ءَ نہ بوھگ ءِ پد ءَ نااہل نامینگ بوتگ۔ آئی ءَ گوشت کہ یورپی نونین ءَ گوں لوٹ کناں کہ آ آسیہ اندرابی، آئی ءِ لوگ واجئی ءُ ھمبراھ آنی ھلاپ ءَ توامیں وت سرئیں کیس آناں ھلاس کنگ ، بھارت ءَ را گیر کانودی ءُ شرمناکیں کیس آنی دارگ ءِ ھوالگ ءَ بھارت ءَ را منینگ ءِ واستہ گوانک چست کنگ ءُ ایشانی زوت یلوئی ءِ واستہ کشک ءَ را ساپ کنگ بہ بیت۔
