پاکستان ساڑی گیری نا غٹ آن بے رحم، غیر انسانی و غیر کانودی کوزہ نا جبر آن آجوئی نا جہد اٹ اسُل پیدوار وڑاٹ کشمیری تتون تفوک ءِ، وزیراعظم عمران خان

اسلام آباد۔ 05 جنوری (اے پی پی) وزیراعظم عمران خان پارینے کہ پاکستان ساڑی گیری نا غٹ آن بے رحم، غیر انسانی و غیر کانودی کوزہ نا جبر آن آجوئی نا جہد اٹ اسُل پیدوار وڑاٹ کشمیری تتون تفوک ءِ۔ سے شنبے نادے آ تینا ٹویٹ اٹی وزیراعظم پارے کہ 5 جنوری 1949ء آ اقوام متحدہ جموں و کشمیر نا الس ءِ اسہ بے کنڈہلوک استصواب رائے نا کمک اٹ حق خودارادیت نا ضمانت تس۔ نن دادے ءِ اقوام متحدہ و اونا باسک ریاست آتے کشمیری تتون تفوک آ دا نیمہ عہد نا یات دہانی نا وڑاٹ اڈایتنہ ہرادے پورو کننگ داسکان سلوک ءِ۔ پاکستان ساڑی گیری نا غٹ آن بے رحم، غیر انسانی و غیر کانودی کوزہ نا جبر آن آجوئی نا جہد اٹ اسُل پیدوار وڑاٹ کشمیری تتون تفوک ءِ۔ نن جہانی برادری آن خواست کینہ کہ کوزہ گیر بھارتی فوج زالبول و چناتتون اوارکودک کشمیری تا انسانی حق انا بے دھڑک پامالی، ہرافتا سرجم ءِ گچین وڑاٹ مرتب کننگانے نا برخلاف  و کشمیری تے اوفتا حق خودارادیت نا پک فراوانی کن کارروائی کے۔ 73 سال اسکان ظالمانہ بھارتی کوزہ نا جبر ءِ سہینگ آن پد ہم کشمیریک نسل درنسل تینا دا ناقابل انتقال حق خودارادیت، ہرانا ضمانت ءِ اوفتے اقوام متحدہ نا چارٹر و سلامتی کونسل نا کنڈآن تننگانے، نا دوئی کننگ نا خواست آ ڈٹ کر سلوک ءُ۔