پاکستان خلیج کمکار کونسل و اونا باسک ملک آتون تینا تعلقداری تے بھاز اہمیت ایتک، ترجمان دفترخارجہ

اسلام آباد۔ 05 جنوری (اے پی پی) پاکستان دے ٹک نیامی ٹی سعودی عرب و قطر انا نیام اٹ تعلقداری تیٹی اہم پیش رفت نا ستاءِ کرسا پارینے کہ پاکستان خلیج کمکار کونسل و اونا باسک ملک آتون تینا تعلقداری تے بھاز اہمیت ایتک۔ سے شنبے نادے آ ترجمان دفترخارجہ پارے کہ پاکستان سعودی عرب و قطر انا نیام اٹ ڈغاری چاگڑدی و بحری سیم تے دُوارہ ملنگ نا فیصلہ نا ستاءِ کیک ترجمان پارے کہ نن گلف کمکار کونسل نا کنڈآن تدوک آ چار سال آن ملک آتا نیام اٹ ایسر نا چاری ویل آتا بابت گام گیج آتا ہم ستاءِ کینہ۔ پاکستان امیر کویت نا کنڈآن خلیج کمکار کونسل ملک آتا نیام اٹ اختلاف آتے چٹفنگ کن اداکروک مثبت کڑد انا ستاءِ کیک۔ ترجمان دفترخارجہ پارے کہ اونا پدریسہ و مخلصانہ کوشست و جی سی سی ملک آتا تین پہ تینی کمکاری نا مثبت و است بڈ بھرم مون آ بننگ ءِ، نن اومیت کینہ کہ جی سی سی نا اینو العلاء ٹی مروک آ دیوان آن است بڈ پیش رفت مریک۔ ترجمان پارے کہ خلیج کمکار کونسل نا ملک آتا نیام اٹ پت پین ودک۔ پاکستان خلیج کمکار کونسل و اوڑتون اونا باسک ملک آتون تینا تعلقداری تے بھاز اہمیت ایتک۔