اسلام آباد۔ 05 جنوری (اے پی پی) پارلیمانی کشمیر کمیٹی نا چیئرمین شہریار آفریدی پارینے کہ یورپی یونین نا ڈس انفولیب جعلی میڈیا تنظیم، این جی اوز و سیب سائٹ آتا کمک اٹ پاکستان نا برخلاف جہانی رائے عامہ ءِ گمراہ کننگ نا گام گیج آتیان پڑدہ ءِ ہرفسا بھارت ءِ جہانی برادری نا مون آ بھاز بے وڑ بے نقاب کرینو۔ پاکستان کشمیر پالیسی و جوہری پروگرام آ ہچ ءُ سمجھوتہ اس کننگ کپک۔ سے شنبے نادے آ یوم حق خودارادیت نا وخت آ دود آن تران کرسا اوپارے کہ بھارت کشمیر آ تینا غیر کانودی کوزہ ءِ پین برقرار تخنگ کپک، اقوام متحدہ سلامتی کونسل نا قرارداد آتیا عملدرآمد کرفسا کشمیری تے تینا آخبت نا فیصلہ ءِ کننگ کن شفاف و بے کنڈہلوک استصواب رائے نا حق ترفے۔ اوپارے کہ پاکستان دنیا نا مون آ بھارت نا ودیک پسندانہ عزم ءِ بے نقاب کرسا کیک و بھارت داسہ دنیا ءِ پین گمراہ کننگ کپک۔ اوپارے کہ بطور بنجائی وزیر سیفران اواقوام متحدہ نا سیکرٹری جنرل ءِ دورہ پاکستان نا سلہ خلکوسس و اوکشمیر آ سلامتی کونسل نا قرارداد آتون سلنگ نا وعدہ کرے، شہریار آفریدی پارے کہ کشمیر کمیٹی تنازعہ کشمیر آ پالیسی سازی کن غٹ کڑدہ غاتسکان سرمننگ ءِ۔ کشمیر کمیٹی ٹی غٹ سیاسی جماعت آتا نمائندگی ساڑی ءِ و کمیٹی یک توار مرسا کشمیر نا ویل ءِ تالان کننگ کن کوشست کننگ ءِ۔ اوپارے کہ قبائلی الس 1948 اٹ کشمیری تا جہد آجوئی ٹی عملی بشخ ہلک و اینو ہم مچ آ پاکستان پورو کشمیری تتون سلوک ءُ۔ اوپارے کہ بھارت نا کنڈآن دنیا ءِ کشمیرآ گمراہ کننگ کن سد آ جعلی این جی اوز، جعلی میڈیاتنظیم و ویب سائٹ جوڑ کننگاسس و یورپی یونین ڈس انفولیب دا مکروہ عزم ءِ بھاز بے وڑ بے نقاب کرینے۔
