اسلام آباد۔ 05 جنوری (اے پی پی) وزیراعظم آزاد کشمیر راجہ فاروق حیدر خان پارینے کہ اقوام متحدہ نا قرارداد آتا رداٹ کشمیر ءِ بشخنگ مفک۔ حکومت پالیسی جوڑ کننگ اٹ کشمیری تے فرنٹ لائن آ تخے، نن تینا آخبت ءِ پاکستان تون وابستہ کرینن۔ سے شنبے نادے آ یوم حق خودارادیت نا وخت آ ہندی ہوٹل اٹ سیمینار اٹ چیئرمین کشمیر کمیٹی شہریار آفریدی تون اوار ایلوفک بشخ ہلکر۔ وزیراعظم آزاد کشمیر راجہ فاروق حیدر خان تران کرسا پارے کہ ہندوستان مقبوضہ کشمیر اٹ تینا کوزہ ءِ سوگو کننگ خواہک۔ پاکستان مدام پارینے کہ کشمیری تے تینا آخبت نا فیصلہ ءِ کننگ نا اختیار ءِ تننگے۔ فاروق حیدر پارے کہ ہندوستان غاصبانہ کوزہ کرے و الس نا حق آجوئی ءِ سلب کرے۔ اقوام متحدہ نا قرارداد آتا رداٹ کشمیر ءِ بشخنگ مفک۔
