اسلام آباد۔ 05 جنوری (اے پی پی) چین اٹ تعینات پاکستان نا سفیر معین الحق پارینے کہ سی پیک فریم ورک انا رداٹ غٹ ڈٹ آک کوویڈ۔ 19 نا سوب ودی مروک آ بے پک حالیت آتیان پد ہم وخت آ پورو مریرہ۔ گلوبل ٹائمز ءِ تروک آ اسہ انٹرویو اسے ٹی اوبھارتی میڈیا نا کنڈآن چین نا پاکستان ءِ مالی امداد اٹ کٹوتی تا غلط گمانی تے ہم مُر کرے۔ داکان بیدس او سی پیک ءِ جامع و گچین ڈٹ اس گوندا و ایلو ملک آتے ہم دانا بشخ مننگ نا سلہ خلک۔ سی پیک نا ارٹ میکو ریسہ غا تران کرسا اوپارے کہ داٹی کشت وکشار، سائنس و ٹیکنالوجی، کسبی تربیت و سیل و سوات ءِ خاص اولیت تننگک و خصوصی اقتصادی زون تا کمک اٹ صںعت کاری ءِ مون آ دننگک۔
