پاکستان کشمیری تا بھارت نا کوزہ غان خلاسی، روا حق انا ملنگ و جہد آجوئی نا سرسہبی اسکان اوفتا سیاسی و سفارتی مخ تفی ءِ برجاتخک، ڈپٹی اسپیکر قومی اسمبلی قاسم خان سوری

اسلام آباد۔ 05 جنوری (اے پی پی) ڈپٹی اسپیکر قومی اسمبلی قاسم خان سوری پارینے کہ پاکستان کشمیری تے بھارت نا کوزہ غان خلاسی، روا حق انا ملنگ و جہد آجوئی نا سرسہبی اسکان اوفتا سیاسی و سفارتی مخ تفی ءِ برجاتخک، کشمیری دااومیت آ 72 می یوم حق خودارادیت ءِ اڈتننگ ءُ کہ اقوام متحدہ متنازعہ کشمیر نا بارواٹ تینا وعدہ غاتے پورو کیک۔ سے شنبے نادے آ یوم حق خودارادیت کشمیر نا وخت آ اوتینا کلہواٹی پارے کہ اینو آن 72 سال مست 5 جنوری 1949ہمو یات گار دے ئس ہراتم اقوام متحدہ اولیکو وار پیدوار لوز آتیٹی دا امنا کریسس کہ کشمیر نا ویل انا اسٹ انگا ایسر بے کنڈہلوک و آجو استصواب رائے ءِ ہراٹی کشمیر نا الس ءِ آجوئی تننگے کہ او بیدس زور اسے نا تینا منشااٹ تینا آخبت نا فیصلہ ءِ کننگ کیر۔ اوپارے کہ پاکستان کشمیری تے بھارت نا کوزہ غان خلاسی، روا حق انا ملنگ و جہد آجوئی نا سرسہبی اسکان اوفتا سیاسی و سفارتی مخ تفی ءِ برجاتخک۔