اسلام آباد۔ 05 جنوری (اے پی پی) بنجائی وزیر حوالکاری و شینکاری سینیٹر شبلی فراز پارینے کہ حق خودارادیت انسان نا بنداوی پیدائشی و جہانی کانودی حق ءِ، کشمیری حریت پسند آتے سلام عقیدت پیش کینہ ہرافتے اسہ ظلم و جور اس ہم دا روا، بنداوی جمہوری حق انا دوئی کننگ نا جہد آن اسہ کنڈ کننگ کتنے، سے شنبے نادے آ بنجائی وزیر حوالکاری سینیٹر شبلی فراز تینا ٹویٹ اٹی پارے کہ حق خودارادیت انسانی عظمت و شرف نا خواست آتا اسہ المی ءُ جزو اسے، دانا نفی انسانی آجوئی، قدر و اصول آتا انکار ءِ۔ اینو نادے اقوام متحدہ ءِ یات ترفک کہ سیکورٹی کونسل نا 5 جنوری 1949ء آ مقبوضہ جموں و کشمیر نا الس ءِ حق خودارادیت تننگ نا قرارداد آ داسکان عمل متنے، دنیا مقبوضہ کشمیر اٹ انسانیت نا برخلاف بھارتی ڈوہ آ خاموشی ءِ پرغے۔ اوپارے کہ وزیراعظم عمران خان ہر جہانی فورم آ کشمیری تا وکیل و سفیر مرسا نرزور کشمیری تا مقدمہ تون پبی وڑاٹ مون تننگ ءِ و بھارت نا مون انگا دروشم ءِ پاش کرسا کینہ۔
