اسلام آباد۔ 04 جنوری (اے پی پی) وزیراعظم عمران خان پارینے کہ وڈی خور حکمران تا تدوک آ 10 سال انا اقتدار اسہ تہار ءُ دور اس ئس۔ ریاستی ادارہ غاتے سیاسی نیام تمنگ آن بیدس آجووڑاٹ کاریم کننگ کن ہلنگے تو اوفتا بھرم پیدواروڑاٹ مون آ بریک۔ دوشنبےنادے آ تینا ٹویٹ اٹی وزیراعظم عمران خان پارے کہ نیب سال 2019-20ء ٹی 389 ارب روپئی نا ریکوری کرے وخت اس کہ 2008 آن 2018 نا 10 سال اٹی دا ریکوریک بیرہ 104 ارب روپئی ئسر۔ وزیراعظم پارے کہ پنجاب اٹ اینٹی کرپشن نا محکمہ 27 تُو اٹی 206 ارب روپئی ریکور کرے وخت اس کہ کرپٹ حکمران تا 10 سال انا دور اٹی دا ریکوریک بیرہ 3 ارب ئسر۔ وزیراعظم پارے کہ داحساب وکتاب و راستکی آن داہیت پیدوار مریک ہراتم ریاستی ادارہ غاک سیاسی نیام تمنگ آن بیدس آجووڑاٹ کاریم کیر تو قوم ءِ اوفتا بھرم ملک۔ داحساب وکتاب آن دا پیدوار مریک کہ ملک اٹ ادارہ غاک آجووڑاٹ کاریم کننگ ءُ و احتساب نا عمل برجاءِ۔
