اسلام آباد۔ 04 جنوری (اے پی پی) بنجائی وزیر تعلیم شفقت محمود و وزیراعظم نا خصوصی کمکار جان جوڑی ڈاکٹر فیصل سلطان ئسک پارینو کہ تعلیمی ادارہ غاتے بند کننگ آن کورونا دین انا ارٹ ممیکو ریسہ ٹی کمتی پیدوار وڑاٹ مون آ بس ولے حکومت نا دوٹوک فیصلہ ءِ کہ چناتا جان جوڑی نا بابت ہچ ءُ ڈیوالئی اس کننگپک دارداٹ فیصلہ کننگاکہ 18 جنوری 2021آن میٹرک و انٹر نا جماعت آتے تعلیمی سرجزآتا بناءِ کننگ نا موکل مریک دُن تو دا جماعت آتے بورڈ انا امتحان تیٹی بشخ ہلوئی ءِ وخت اس کہ غٹ بورڈ امتحان ہرافتے مارچ و اپریل نا تُو اٹی اڈ ہلوئی ئس اوفتے ملتوی کرسا مئی و جون نا تُواٹی اڈتننگک۔ این سی او سی ٹی میڈیا تون ہیت کرسا اوفک پاریر کہ ارٹ میکو ریسہ ٹی 25 جنوری آن پرائمری آن مڈل جماعت آتے تعلیمی سرجزآتا بناءِ کننگ نا موکل تننگک۔ مسٹ میکو و آخیریکو ریسہ ٹی یکم فروری آن یونیورسٹی و کالج آتا باقاعدہ دُوارہ بناءِ کننگک۔ ہنداچرجوئی ٹی کورونا نا دین انا بابت 14 و 15 جنوری آ اڈ ہلوک آ دیوان اٹ سرجم جاچ ءِ ہلنگک۔
