اسلام آباد۔ 04 جنوری (اے پی پی) چیئرمین سی پیک اتھارٹی لیفٹیننٹ جنرل (ر) عاصم سلیم باجوہ پارینے کہ سی پیک نا ارٹ میکو ریسہ ٹی پاکستان اٹ اِراجہتی حکمت عملی نا رداٹ زرگزران آ خاص چکار کننگانے۔ چین نا خبررساں ایجنسی تون گپ وتران کرسا اوپارے کہ سی پیک نا ارٹ میکو ریسہ نا رداٹ اہمیت نا حامل اِرا بشخ آتا پیدواری ءِ کننگانے۔ سی پیک نا ارٹ میکو ریسہ ٹی صنعتی و کشاری بشخ آ خاص چکار کننگ انگ ءِ، نوول کورونا دین اٹی سی پیک نا ڈٹ آتیٹی چینی چاہندار آتا سرجزآتا تسلسل سنگتی نا بڑزکو درور اسے، دا ہڑتوم آ بشخ آتیا خاص چکار آن پاکستان نا برآمدآتے مون آ دننگک و واپاری توازن نا ویل ایسر مریک۔ اوپارے کہ دامسخت کن ایف ڈی آئی خاص کر ٹیکنالوجی نا گدریفنگ ءِ مون آ دننگ کن خاص اقتصادی زون جوڑ کننگانے۔ اوپارے کہ گوادر بندرگاہ و ایم ایل ون ڈٹ انا کمک اٹ زیات آن زیات علاقائی رابطہ سازی ءِ مون آ دننگک۔
