امریکہ ٹی کورونا نا دین آن مسہ لکھ 60 ہزار مرک

واشنگٹن۔ 04 جنوری (اے پی پی) امریکہ ٹی کورونا نا دین آن زہمی بندغ آتا کچ 2 کروڑ 11 لکھ 13 ہزار مس وخت اس کہ مچ آ ملک اٹی دین آن مرک آتا کچ مسہ لکھ 60 ہزار آن گدرینگانے۔ دوشنبےنادے آ امریکی میڈیا نا رداٹ ملک اٹی کورونا دین انا ناجوڑ آتا جم کچ 21113528ءِ وخت اس کہ فعال زہمی تا کچ 8316492ءِ۔ امریکہ ٹی ہلوک آ دین آن زوال و فعال کیس آتا کچ اٹ پدریسہ ودکی مننگ ءِ، امریکہ کورونا نا دین آن غٹ آن زیات زہمی ملک ءِ، ملک اٹی کورونا دین انا سوب آن داتم اسکان جم زوال کروک آتا کچ دنیا ٹی ہر ملک آن غٹ آن زیات ءِ۔ اِرا کروڑ 11 لکھ آن زیات زہمی تتون امریکہ داوخت آ دنیا نا دین انا غٹ آن بھلا مرکز ءِ۔ امریکہ ٹی ہلوک آ کورونا دین آن داتم اسکان 360078بندغ زوال کرینو۔ امریکہ ٹی کورونا دین آن زہمی 12436958بندغ دراخ جوڑ مسنو۔ مچ آ دنیا ٹی کورونا دین انا سوب آن زوال کروک آتا کچ 18 لکھ 50 ہزار آن زیات ءِ۔