کوئٹہ ۔3جنوری (اے پی پی):بلوچستان ءِ دمگ بولان مچھ ءَ ناشرکار آں 10 اشکر ءِ چات آں کار کنوک آناں آوار جت وھدیکہ 4 ٹپیگ کنگ بوت انت۔ ھندی لیویز ءِ رد ءَ بلوچستان ءِ ضلع بولان ءِ تحصیل مچھ ءِ دمگ گشتری ءَ شمبے ءُ یک شمبے ءِ نیامی شپ ءَ ناشرکار آں اشکر ءِ چات ءَ کار کنوک آناں مزور آناں آوار جتگ ءُ کوہ ءَ برتگ ءُ پدا ایشاناں تیر جتگ ءُ کوشتگ۔ واکیہ ءَ چہ پد سلاھ بندیں مردم بیگواہ بوتگ انت۔ اے اپسوزی واکیہ ءِ ھال رسگ ءَ چہ پولیس انتظامیہ ءُ سیکورٹی فورسز ا واکیہ ءِ جاھ ءَ پچ اتگ۔ واکیہ ءَ 10 اشکر ءِ چات ءَ کار کنوک بیران بوت انت۔ لاش آناں مچھ ءِ سرکاری اسپتال ءَ روان دیگ بوتگ۔ ڈپٹی کشمنر بولان مراد کاسی ءَ گوشتگ کہ واکیہ ءَ چہ چار مردم ٹپیگ بوتگ انت ایشانی علاج بوھگ ءَ انت۔ ڈی سی بولان ءَ گوشتگ کہ دمگ ءِ چپ ءُ چاگرد کنگ بوتگ شرچنگ ءُ سوئپنگ آپریشن بندات کنگ بوتگ۔
