مزن  وزیر  ءِ ھاسیں کمکار برائے کیاسگری  ءُ توکی کار بیرسٹر شہزاد اکبر ءُ مزن وزیر ءِ ھاسیں کمکار برائے  ورنا آنی کار عثمان ڈار  ءِ پریس کانفرنس

اسلام آباد۔2جنوری (اے پی پی): مزن وزیر ءِ ھاسیں کمکار برائے  کیاسگری ءُ توکی کار بیرسٹر شہزاد اکبر ءَ گوشت کہ پاکستان مسلم لیگ ن ءِ  سروک خواجہ آصف  وتی کانودی کٹ  ءِ ھوالگ ءَ گوشگ ءُ  نیب ءَ را مطمئن کنگ ءَ ناکام بوتگ، اے ھیالانی درشانی آئی ءَ  وتی شمبے ءِ روچ ءَ مزن وزیر ءِ ھاسیں کمکار برائے  ورنا آنی  کار  عثمان ڈار ءِ ھمبراھی  ءَ پریس کانفرنس  ءِ ساھت ءَ  کت۔ آئی ءَ گوشت کہ خواجہ آصف   ءَ شہباز شریف  ءُ اسحق ڈار ءِ  کار رپک ءِ سر ءَ عمل کنان ءَ دزئی کتگ، پیسریگیں بنجاھی وزیر خواجہ آصف  ءِ مسلم لیگ ن ءِ دور ءِ حکومت ءَ ملک ءِ  اندر ءَ  جتا جتائیں  شہر آنی  مال ءُ مڈی آنی تہ ءَ گیشی بوتگ۔ آئی ءَ گوشت کہ 1993 ءَ خواجہ آصف ءِ مڈی 5.1 ملین کلدار ءِ بوتگ انت ایش  آئی ءَ را میراس ءَ رستگ انت۔  2013 ءَ خواجہ آصف ءِ  سہرائیں  مڈی آنی مالیت 118 ملین کلدار بوتگ پدا ھم آ ایشی ءِ اندر ءَ گیشی ءِ ھوالگ ءَ  کانودی کٹ  آنی بابت ءَ پسو  دیگ ءَ ناکام بوتگ انت۔  آئی ءَ گوشت کہ خواجہ آصف ءَ 2013  ءَ 2018  ءِ ساھت ءَ پاکستان ءَ وزیر  بوھگ  ءَ ابید دبئی ءَ یک فرمے ءَ چہ 2.2 ملین کلدار ھمک سال پگار گپتگ۔ آئی  ءَ 5 سال ءَ 140 ملین کلدار ءِ پگار ءِ  رد ءَ نگدی زر  گرگ ءِ دعوی کتگ۔ خواجہ آصف دگنیا ءِ ایوکیں ملازم انت کہ آئی ءَ لکھانی  کلدار نگدی دست گپتگ۔  ایشیءَ  پد آئیءَ ٹی ٹی ءِ وسیلگ ءَ دبئی ءَ چہ اے زر پاکستان ءَ ٹرانسفر کتگ  ایش کانودی کار رپک ءِ نہ بوتگ  پدا ھم پاکستان مسلم لیگ نواز ءِ حکومت ءِ پنچ سالہ دور ءِ  سرجم بوھگ ءَ پد آئی ءَ را  اے پگار رسگ بند بوتگ۔  آئی ءَ گوشت کہ اپوزیشن ایوک ءَ کیاسگری ءَ چہ رکھگ  لوٹ ایت  چوش کہ  آواں ایف اے ٹی ایف ءِ کانود جوڑیشت ءِ ساھت ءَ نیب آرڈیننس ءَ مٹ ءُ بدلی ءِ شور ءُ سلاھ داتگ۔ آئی ءَ گوشت کہ  اپوزیشن وتی دروگ آں چہ راج ءَ را گمراہ کت نہ کنت۔