اسلام آباد۔2جنوری (اے پی پی): مزن وزیر عمران خان ءَ سمگلنگ ءَ گوں دست مانجنیں مردم آنی ھلاپ ءَ کاروائی کنگ ءِ پنت ءُ شون کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءِ سروکی ءَ سمگلنگ ءِ واستہ حکومتی گامگیج آنی بابت ءَ مزن تکی دیوان ءِ برجم دارگ بوت بنجاھی وزیر ھزانگ ڈاکٹر عبدالحفیظ شیخ، وزیر اھوالکاری ءُ شنگ کاری شبلی فراز، مشیر تجارت عبدالرزاق داود، ھاسیں کمکار شہزاد اکبر، ھاسیں کمکار برائے کٹ ڈاکٹر وقار مسعود خان، کامرس، پیٹرولیم، زرئی کار ءُ توکی ڈویژن ءِ سیکریٹریز، چیئرمین ایف بی آر ءُ مزن سول سول ءُ اُردی کارندہ آں دیوان ءَ بھر زوری کت وھدیکہ ویڈیو لنک ءِ وسیلگ ءَ صوبائی چیف سیکریٹریز، فرنٹیئر کور خیبر پختونخوا ءُ بلوچستان ءِ آئی جی صاحب آں ھم اے دیوان ءَ بھر زوری کت۔ دیون ءَ سر پد کنگ کنگ بوت کہ اسمگلنگ کتگیں ٹیل ءِ بھا زورگ ءِ سبب ءَ معیشت ءَ را 100 ءَ بگر تاں 150 ارب کلدار ءِ تاوان رسگ ءَ انت۔ دیوان ءَ را گوشگ بوت کہ اے وھد ءَ ملک ءَ 2094 پٹرول پمپس اسگلنگ کتگیں ٹیل بھا زورگ ءَ گوں دست مانجن انت۔ مزن وزیر ءَ گوشت کہ اسگلنگ ءِ سبب ءَ ملکی معیشت ءَ را بے کساس تاوان رسگ ءَ انت۔ شپوکی ءِ گر ءُ دار ءَ چہ کٹ ءِ تہ ءَ گیشی بیت ءُ گریبیں الس ءِ گہبود ءِ سر ءَ ھرچ بوت کنت۔ مزن وزیر ءَ پنت ءُ شونگ کہ کہ اسگلنگ ءَ گوں دست مانجنیں مردم آنی ھلاپ ءَ ترندیں گامگیج کنگ بہ بیت۔
