اسلام آباد۔2جنوری (اے پی پی): وزیر ءِ درئی کار شیخ رشید احمدد ءَ گوشت کہ کرک ءَ بوتگیں واکیہ ءِ سر ءَ ترندی ءَ گوں نوٹس زوران ءَ واکیہ ءِ ماسٹر مائنڈ مولانا شریف ءَ ھوار 36 مردم آناں دزگیر کنگ بوتگ۔ واکیہ ءَ گوں دست مانجنیں مردم آنی گوما کانود ءِ رد ءَ ترندی ءَ کاروائی کنگ بیت۔ شمبے ءِ روچ ءَ جاڑی بوتگیں بیان ءِ تہ ءَ آئی ءَ گوشت کہ ملک ءَ توامیں درئی نیک راھ آنی منوک آنی رکھینگ مئے حکومت ءِ زمہ واری انت۔ کجام ھم مردم ، آ توری کجام ھم سیاسی یا نیک راھی گل آں گوں سیادی بدار ایت، آ ئی ءَ را اچ نیک راھی شرپ مندیں ھند ءُ جاھ آنی بے شرپ کنگ ءِ اجازت دیگ نہ بیت۔ آئی ءَ گوشت کہ کرک ٹیمپل واکیہ اسل ءَ پاکستان ءَ را بدنام کنگ ءِ واستہ کنگ بوتگ۔ آئی ءَ گوشت کہ اے واکیہ ءِ پشت ءَ ھما مردم ھوار انت کہ ھماواں یورپی یونین ءِ دھ انفارمیشن لیب ءَ سہرا کتگ۔
