راولپنڈی ۔2جنوری (اے پی پی): بنجاھی وزیر توکی کار شیخ رشید احمد ءَ گوشت کہ دو لکھ گیر کانودی رنگ ءَ نندوکیں اوگان لڈ ءُ بار کنوکیں مہاجر آنی شناختی کاٹ بلاک کنگ بوتگ انت، پاکستان ءَ رجسٹرڈ 15 لکھ اوگان لڈ ءُ بار کنوک آناں اجازت انت وھدیکہ 8 لکھ گیر کانودی رنگ ءَ نندوکیں اوگانی آنی بابت ءَ سسا کنگ ءَ آں، آئی ءَ گوشت کہ کرپشن ءِ ھلاسی ءِ واستہ ما چین ءُ اوگانستان ءِ مینوئل ویزا ھلاس کتگ وھدیکہ 192 ملک آناں آن لائن دزبندی دات کناں، راولپنڈی ءَ نادرا کارگس ءِ تر ءُ تاب ءِ موہ ءَ اھوالکاری آں گوں تران کنان ءَ آئی ءَ گوشت کہ یک لکھ شناختی کاٹ ھمک روچ دات کناں، راولپنڈی ءَ نادرا کارگس ءِ تر ءُ تاب ءِ موہ ءَ اھولکاراں گوں تران کنان ءَ آئی ءَ گوشت کہ یک لکھ شناختی کاٹ ھمک روچ جاڑی بنت ءُ ھمک شہری ءِ اولی شناختی کاٹ 15 روچ ءِ اندر ءَ مپت ءَ جاڑی کنگ بیت۔ آئی ءَ گوشت کہ 50 نادرا سنٹر 24 کلاک پچ بنت وھدیکہ پشت مندگیں دمگ آنی مردم آسراتی ءِ واستہ ماڈرن موبائل وینز ءِ کساس ءَ را ودینان ءَ 300 کنگ بوتگ ایش ھمی روچ ءَ ڈیٹا یکجا کنان ءَ شناختی کاٹ جاڑی کناں۔ نواز شریف ءِ پاسپورٹ ءِ ھوالگ ءَ بنجاھی وزیر ءَ گوشت کہ اے پاسپورٹ ءِ کد ءُ بالاد 16 فروری ءَ ھلاس بیت ایشی ءَ چہ پد ایشرا گیش وھد ءُ پاس مان کنگ نہ بیت۔ آئی ءَ گوشت کہ پیپلز پارٹی ءَ کٹ اتگ ءُ پی ڈی ایم ءَ ہار وارتگ، پیپلز پارٹی ءَ پی ڈی ایم ءَ را کونڈاں کپگ ءَ مجبور کتگ، ایش استپا نہ دیاں بلے لانگ مارچ ضلور کناں ھمے روچ ءَ اپوزیشن لانگ مارچ ءِ تاریخ ءَ گوشاں ما ھمے روچ ءَ وتی کانودی ءَ ھک ءَ گوشاں۔
