اسلام آباد۔2جنوری (اے پی پی): وزیر ءِ درئی کار مخدوم شاہ محمود قریشی ءَ پی ڈی ایم ءِ پریس کانفرنس ءِ رد عمل ءِ درشان کنان ءَ گوشت کہ پی ڈی ایم ، 31 جنوری ءِ ودار ءَ چیا کنگ ءَ انت، ما آوانی گوشگ ءِ رد ءَ استپا نہ دیاں، مئے کرا الس ءِ مینڈیٹ انت۔ مزن وزیر عمران خان ءَ را ایوان ءِ گوما دل یکیمی گون انت آ آئی گوشگ ءِ رد ءَ استپا چیا دیاں۔ آئی ءَ گوشت کہ راستی ءَ پی ڈی ایم ءِ بیان الس ءِ واھگ آناں بیگواہ کتگ۔ زیک لاہور ءَ پی ڈی ایم ءِ سروک آں بیگاہ ءِ پنچ ءُ نیم ءِ گند ءُ نند بے سر ءَ آسر بوتگ۔ آواں پیپلز پارٹی ءِ سینٹرل ایگزیکٹو کمیٹی ءِ دیوان ءَ کتگیں پیسلہ آناں منظور کت۔ آئی ءَ جار جتگ کہ پیپلز پارٹی ءِ وڑ ءَ ھندی گچین کاریءَ بھر زوری کناں۔ وزیر ءِ درئی کار ءَ گوشت کہ اے گوشگ ءَ انت کہ سینیٹ ءِ گچین کاری ءَ بھر زوری ءِ پیسلہ ءَ وھد ءُ موہ ءِ آیگ ءَ پد ءَ کناں بلے من مرچی گوشگ ءَ آں کہ اے سینیٹ ءِ گچین کاری ءَ ھم بھر زوری کناں۔ ادارگ آں مدام کانود ءِ رد ءَ زمہ واری کوپگ آں کتگ ادارگ آنی سر ءَ زور لڈگ ءَ چہ اچ نہ بیت۔ سرجمیں راج پی ڈی ایم ءِ راستی ءَ چہ شر سرپد بوتگ۔ الحمد اللہ پی ڈی ایم ءِ جاک ءَ چہ مارا اچ ٹینشن نیست انت۔ آ وت دگرے بڈو بہ بیت آ چے جاک ءُ کوکار کنت۔
