اسلام آباد۔2جنوری (اے پی پی):نیشنل کمانڈ اینڈ آپریشن سینٹر ءِ نیمگ ءَ جاڑی بوتگیں ھساب ءُ داد آنی رد ءَ گوستگیں 24 کلاک آنی ساھت ءَ سرجمیں ملک ءَ کورونا وائرس ءَ چہ 82 مردم بیران بوتگ انت، ھمے ساھت ءَ 2184 پازیٹیو کیس رپوٹ بوتگ انت۔ سرجمیں ھال آنی رد ءَ سرجمیں ملک ءَ انوگ ءَ تاں 10 ہزار 258 مردم بیران بوتگ انت، گوستگیں 24 کلاک آنی ساھت ءَ 38 ہزار 229 کورونا ٹیسٹ کنگ بوتگ، سرجمیں ملک ءَ انوگ ءَ تاں 67 لکھ 75 ہزار 307 کورونا ٹیسٹ کنگ بوتگ۔ سرجمیں ملک ءَ کورونا وائرس ءِ مریض آنی کساس 4 لکھ 84 ہزار 362 بوتگ ءُ جان سلامت بوھوکیں مردم آنی کساس 4 لکھ 38 ہزار 974 انت، ایکٹیو کیس آنی کساس 35 ہزار 110 انت۔
