اسلام آباد۔1جنوری (اے پی پی): مزن وزیر عمران خان ءَ اسلام آباد ءِ دمگ ترنول ءَ 100 نپاد آنی پناہ گاہ بنگیج کت۔ اے موہ ءِ سر ءَ مزن وزیر ءِ ھاسیں کمکار برائے گریبی ءِ ھلاس کنوک ءُ چاگردی رکھینوک ڈاکٹر ثانیہ نشتر، ایم ڈی بیت المال عون عباس بپی ءُ ترکی ءِ سفیر احسان مصطفی یرداکول ھم ساڑی ات۔ آدینگ ءِ روچ ءَ مزن وزیر عمران کان ءَ 2021 ءِ اولی بیگاہ ترنول اسلام آباد پناہ گاہ ءَ گریب ءُ بزگر آنی گوما گوازینتگ، مزن وزیر ءَ محکمہ بیت المال ءُ ترکی ءِ وزارت دود ءُ ربیدگ ءُ سیل ءُ سواد ءِ یکجائی ءَ ترنول اسلام آباد ءَ 100 نپاد آنی پناہ گاہ ءِ بنگیج کت۔ پناہ گاہ ءِ اندر ءَ ناشتہ ءُ شپ ءِ شام دیگ بیت۔ زالبول آنی واستہ جتا 10 تھت ءِ انتظامی کنگ بوتگ۔
