اسلام آباد۔ 01 جنوری (اے پی پی) بنجائی وزیر صنعت وپیداوار حماد اظہر پارینے کہ گچین حکمت عملی اٹ زرگزران ءِ شونداری نا کندآ دننگا، فیٹف نا ٹیکی تدوک آ حکومت آن رسینگا، ریکارڈ پیکج آتا پڑو ءِ کرین۔ داخیال آتا درشانی ءِ او جمعہ نادے آ پاکستان اٹ درستی راستی مروک آ گاڈی تا بنائی دود آن تران کرسا کرے۔ اوپارے کہ مچ آ دنیا اینو امنا کننگ ءِ کہ فیٹف اٹ نن ترندی اٹ گام گیج کرین، ہراتم حکومت ءِ سنبھالان تو برآمد آتیٹی کمتی و درآمد آتیٹی ودکی مسکہ ولے گچین حکمت عملی اٹ دا غٹ تنکی تا مون ءِ تورینن۔ اوپارے کہ کورونا نا مقابلہ تون اوار اوار نن زرگزران نا بحالی کن گام گیج کرین، ننے بھاز بھلو مشکل اس مون تروک ئس انتئے کہ مستین زرگزران ءِ نسخان تننگا، بنجائی حکومت تینا خڑچ آتے کم کرے، حکومت ءِ سنبھالنگ تون ننے مشکل ءُ فیصلہ کروئی تما ولے وزیراعظم عمران خان نا کماشی ٹی زرگزران ءِ مزل نا کنڈآ درین، فیٹف نا ٹیکی تدوک آ حکومت آن ننے میرات اٹ رسینگا۔ اوپارے کہ موٹرسائیکل و ٹیکٹر آتا بہاٹی ریکارڈ ودکی مسنے، پاکستان اٹ آب اٹنگا گاڈی تا جوڑ مننگ نا عمل بناکننگ ءِ۔
