اسلام آباد۔ 01 جنوری(اے پی پی) جہانی اقتصادی فورم جہانی مسابقتی انڈیکس نا رداٹ پاکستان ءِ کرپشن فری جوڑ کننگ نا رداٹ 2020ء ٹی قومی احتساب بیورو نا الس ءِ وڈی خوری نا مضرزہم تیان آگاہی، توننگ و انفورسمنٹ نا کوشست آتا ستاءِ کرینے۔ نیب کانود نا حکمرانی، شفافیت، گڈگورننس نا رداٹ پاکستان اٹ انسداد وڈی خوری ٹی اہم کڑد ادا کننگ ءِ۔ داخیال آتا درشانی ءِ اقتصادی فورم نا کنٹری پارٹنر انسٹیٹیوٹ مشعل پاکستان نا چیف ایگزیکٹو آفیسر عامر جہانگیر نیب ہیڈکوارٹرز اٹ چیئرمین نیب جسٹس (ر) جاوید اقبال ءِ جہانی اقتصادی فورم نا جہانی مسابقتی رپورٹ پیش کرسا کرے۔ داوخت آ چیئرمین نیب جسٹس (ر) جاوید اقبال نیب انا شاندار کارکڑد و ملک آن وڈی خوری نا چٹفنگ کن چست کروک آ گام گیج آتیا پت و ستاءِ کننگ آ جہانی اقتصادی فورم، جہانی اقتصادی فورم نا فیوچر آف اکنامک پراگریس سسٹم انیشی ایٹو نا کنٹری پارٹنر انسٹیٹیوٹ مشعل پاکستان نا منت واری ءِ ہرفے۔ چیئرمین نیب پارے کہ نیب انا ایمان کرپشن فری پاکستان ءِ۔ نیب بالواسطہ و بلاواسطہ وڑاٹ وڈی خور زموار آتیان پلوک آ 714 ارب روپئی ءِ وصول کرسا قومی خزانہ ٹی جمع کرفینے۔ نیب انا 1230 وڈی خوری نا ریفرنس احتساب عدالت آتیٹی زیر سماعت ءُ ہرافتا مالیت 947 ارب روپئی ءِ۔ نیب آرڈیننس 1999 نا شق 33 سی انا رداٹ نیب وڈی خوری نا خراب انگا زہم تیان آگاہی کن آگاہی ، توننگ و انفورسمنٹ آ مبنی سہ جہتی پالیسی اس وضع کرینے ہراکہ غٹ برائی تا ماس ءِ۔ مشعل پاکستان نا چیف ایگزیکٹو آفیسر عامر جہانگیر پارے کہ نیب کانود نا حکمرانی، شفافیت، گڈگورننس نا رداٹ پاکستان اٹ انسداد وڈی خوری ٹی اہم کڑد ادا کننگ ءِ۔ اونیب انا تینا جوڑ مننگ آن داتم اسکان بالواسطہ و بلاواسطہ وڑاٹ وڈی خور زموار آتیان پلوک آ 714 ارب روپئی وصول کرسا قومی خزانہ ٹی جمع کرفنگ نا ستاءِ کرے۔ اوملک انا شونہالی کن بزنس کمیونٹی تون اوار غٹ تعلقدار کڑدہ غاتون اواری اٹ کرپشن تور مہم نا رداٹ میڈیا وکمیونیکیشن حکمت عملی نا رداٹ نیب انا شاری تیٹی آگاہی ودی کننگ نا کوشست آتا ہم ستاءِ کرے۔ عامر جہانگیر پارے کہ کوویڈ۔ 19 تنکی نا رداٹ مچ آ دنیا ٹی زرگزرانی کساد بازاری برجاءِ و دانا راجی و زرگزرانی اثرمرتب مسنے، اسہ ملک اس ہم داڑآن رکھ متنے۔
