اسلام آباد۔ 01 جنوری (اے پی پی) پارلیمانی سیکرٹری قومی جان جوڑی خذمت، ریگولیشنز و کوآرڈینیشن (این ایچ ایس آر سی) ڈاکٹر نوشین حامد پارینے کہ حکومت کورونا دین آن بچفنگ نا ویکسین ءِ مچ آ ملک انا غٹ شاری تے مفت فراوان کیک۔ تینا اسہ انٹرویو اسے ٹی اوپارے کہ حکومت 2021ء نا ارٹ میکو سہ ماہی اسکان جہانی مارکیٹ آن کوویڈ۔ 19 نا ویکسین ءِ ہلنگ کن 150 ملین ڈالر نا بنائی زر جتا کرینے تانکہ 220 ملین نا آبادی ءِ رکھی ٹیکہ خلنگ مرے۔ چینی ویکسین نا کلینیکل ٹرائلز نا مسٹ میکو ریسہ برجاءِ و بھاز زوت مخلوق ءِ بے معاوضہ رسینگک۔ اوداہم پارے کہ حکومت کورونا دین انا برخلاف رکھ اکن نجی بشخ ءِ ویکسین درآمد کننگ نا موکل تسنے۔ اوپارے کہ کورونا دین آن بچفنگ نا ویکسین غٹ آن مست فرنٹ لائن ہیلتھ کیئر کارندہ غاتے خلنگک۔ اوپارے کہ ارٹ میکو ریسہ ٹی 65 سال انا بزرگ بندغ آتے داویکسین ءِ خلنگک و اوکان پد ایلو مخلوق ءِ ویکسین خلنگک۔
