اسلام آباد۔ 01 جنوری (اے پی پی) پارلیمانی کشمیر کمیٹی نا چیئرمین شہریار خان آفریدی پوسکن آ سال انا وخت آ غٹ عالم انسانیت کن سلامتی نا کلہو ءِ ترسا دعا کرینے کہ پوسکن آ سال کشمیر نا آجوئی نا خوشخبری اس اتے۔ پوسکن آ سال انا بناء آ جاری بیان اٹی شہریار آفریدی پارے کہ پوسکن آ سال انا بنانا وخت آ پاکستان و دنیا غان دین انا چٹنگ، ہڑدے ئی زند انا بحالی و امہ نا سلامتی و شونہالی کن دعا کینہ۔ شہریار آفریدی پارے کہ اللہ پاک پوسکن آ سال ءِ وزیراعظم عمران خان و پاکستان کن شونداری، زرگزرانی بحالی و شونہالی نا سوب جوڑ کے۔
