بنجائی وزیر خزانہ ڈاکٹر عبدالحفیظ شیخ نا پے اینڈ پنشن کمیشن نا چیئرپرسن نرگھس سیٹھی تون اوڑدہی ٹی گپ وتران

اسلام آباد۔ 01 جنوری (اے پی پی) بنجائی وزیر خزانہ ڈاکٹر عبدالحفیظ شیخ تنخواہ پنشن و ایلو آسراتی تا ساڑی آ وڑوڈول نا جاچ ءِ ہلنگ و سرکاری ملازم آتا مالی حالیت نا قابل عمل ایسر اس پٹنگ کن مونیٹائزیشن نا گمان آتا اہمیت آ زور شاغانے۔ اوداہیت ءِ پے اینڈ پنشن کمیشن نا چیئرپرسن نرگھس سیٹھی تون اوڑدہی ٹی گپ وتران کرساپارے۔ نرگھس سیٹھی وزیر خزانہ ءِ پنشن نا ودوک آ کچ، اونا قومی خزانہ غا اثر و پے و پنشن نا ساخت اٹ تفاوت نا بابت ویل آتا ایسری ٹی ءِ پے اینڈ پنشن کمیشن نا طریقہ ہائے کار آ حوال تس۔ وزیر خزانہ ڈاکٹر عبدالحفیظ شیخ تنخواہ پنشن و ایلو آسراتی تا ساڑی آ وڑوڈول نا جاچ ءِ ہلنگ و سرکاری ملازم آتا مالی حالیت نا قابل عمل ایسر اس پٹنگ کن مونیٹائزیشن نا گمان تا اہمیت آ زور شاغا۔ نرگھس سیٹھی وزیر خزانہ ءِ ذیلی کمیٹی تا وڑوڈول آحوال تس۔ اوشفاف وڑاٹ تنخواہ و پشن نا نظام ءِ مرکزی دنگ اٹ اتنگ نا عزم انا درشانی ءِ ہم کرے۔