اسلام آباد۔ 01 جنوری (اے پی پی) فیڈرل بورڈ آف ریونیو ایف بی آر وزیراعظم نا تعمیراتی صنعت ءِ تروک آ پیکج اٹ ودکی نا بابت پیدوار کرینے کہ بلڈرز و ڈویلپرآتا کٹیا نا ذریعہ غا ہچ ءُ سونج و رونج اس مفننگ و اوفتیا فکسڈ خراج رجیم نا اطلاق نا آخیریکو تاریخ ءِ 31 دسمبر 2020آن ودفسا 30 جون 2021 اسکان کننگانے۔ داڑے جاری بیان اٹی ترجمان ایف بی آر پارے کہ بلڈرز و ڈویلپرزہرابیرہ فکسڈ رجیم نا فائدہ ءِ ہرفنگ خوارہ اوفتیکن تاریخ ءِ 31 دسمبر 2020آن ودفسا 31 دسمبر 2021اسکان کننگانے۔ ترجمان پارے کہ پروجیکٹ آتا پوروی کن آخیریکو تاریخ ءِ 30 ستمبر 2022 آن ودفسا 30 ستمبر 2023اسکان کننگانے و ہاؤسنگ یونٹ وپلاٹ آتا ہلنگ نا آخیریکو تاریخ ءِ 30 ستمبر 2022آن ودفسا 30 مارچ 2023اسکان کننگانے۔
