اسلام آباد۔31دسمبر (اے پی پی):پاکستانی ہندو آں بھارت ءَ وتی 11 برات آنی کوش ءِ ھلاپ ءَ جاک ءُ کوکار ءِ درشان کتگ ءُ یونائیٹڈ نیشن ءِ سیکریٹری جنگل ءَ گوں دستبندی کتگ کہ آ اے جیڈھ ءِ پٹ ءُ پول ءِ وساتہ بھارتی حکومت ءِ سر ءَ نوٹس بہ زور ایت۔ ہندو کمیونٹی ءِ درجن آنی باسک آں وزارت ءِ درئی کار ءِ دیم ءَ جاک ءُ کوکار درشان کتگ۔ جاک کنوک آں پلے کاٹ چست کتگ ات ایشانی سر ءَ بھارت ءِ اندر ءَ وتی برات آنی اناگہ ءَ کوشگ ءُ مرگ ءِ آماچ کنگ ءِ ھوالگ ءَ دانک درشان ات۔ جاک ءِ بنگیج آل ہندو پنجایت بالکیک سبھا پاکستان ءِ نیمگ ءَ کنگ بوت۔ جاک کنوک آں گوں ہندو پنچایت ءِ صدر پنڈت چنا لال، سیکریٹری جنرل اوم پرکاش نرائن ءُ ضلع راولپنڈی ءِ صڈدر دلیپ کمکار ءَ گشتانک دات۔ ایندگر ارزشتی ایں مردم آنی تہ ءَ جبران گل مسیح ءُ آغا مجیب ایڈوکیٹ ھم ساڑی ات۔ آئی ءَ بھارتی مزن وزیر نریندر مودی ءِ ھلاپ ءَ جاک ءُ کوکار کت ءُ بھارتی حکومت ءَ گوں اے جیڈھ ءِ ساپ ءُ سلہ ئی ءَ پٹ ءُ پول ءِ لوٹ کنگ ءِ لوٹ کت۔ یات دارگ بہ بیت کہ 9 اگست ءَ جودھ پور ضلع ءِ یک ڈگارے ءَ یکیں ھاندان ءِ 11 مردم آنی لاش شوہاز بوتگ انت ایشانی تہ ءَ زھگ ھم ھوار انت۔ اے مردم پاکستان ءَ چہ بھارت ءَ شتگ بوتگ انت۔ جاک کنوک آں گوشت کہ بھارتی حکومت ءَ مرتگیں مردم آنی لاش آوانی ھاندان ءِ مردم آنی ھوالگ ءَ نہ کتگ انت۔ آواں گوشت کہ قائداعظم محمد علی جناح ءِ درئیں دانک ءِ ھوالگ ءَ دیان ءَ گوشت کہ پاکستان ءَ گور آناں شرپ ءُ ازت است ، کانودی ھک ءُ نیک راھی آزاتی است انت۔ ہندو برات آں اے وھد ءَ تاں جاک ءُ کوکار جاڑی دارگ ءِ جزم ءِ درشان کتگ تاں وھد ءِ آماچیں ھاندان ءَ را انصاف نہ رس ایت ءُ بھارتی حکومت وتی کشک ءَ را ساپ نہ کنت۔
