اسلام آباد۔31دسمبر (اے پی پی): مزن وزیر عمران خان ءَ گوں جوڑیشتی شوبگ ءِ واست گیش آسراتی ءِ جار جنان ءَ گوشتگ کہ ملک ءَ اربانی کلدار ءِ جوڑیشتی منصوبگ بندات بوتگ انت، ایشی ءَ چہ ملک ءَ روزگار ءِ موہ پجاری بیت ءُ لس مردم وتی گس ءِ مالک جوڑ بنت، پاکستان ءَ جوڑیشت ءِ شوبگ ءَ را ھما وھد ءَ سہرا کنگ بوتگ ھمے وھد ءَ سرجمیں دگنیا ءَ لاک ڈائون ءِ سبب ءَ اقتصادی جاور ھال ھراب بوتگ انت، مزن مزنیں شہر آنی واستہ نوکیں ماسٹر پلان جوڑ کنگ بوھگ ءَ انت، ایشی ءَ چہ شہری آسراتی ءِ پجاری ءَ گہتری کئیت، جوڑیشتی شوبگ ءِ واستہ فکس ٹیکس رجیم ءَ یک سالے ودینتگ۔ پنچ شمبے ءَ ادا ملک ءَ جوڑیشتی شوبگ ءِ واستہ گیش آسراتی ءِ جار جنان ءَ مزن وزیر ءَ گوشت کہ پنجاپ ءَ 163 ارب کلدار جوڑیشتی منصوبگ بندات بوتگ انت، جوڑیشتی شوبگ ءِ دیرموئی ءَ پنجاپ ءَ 1500 ارب کلدار ءِ اقتصادی چست ءُ ازیر بندات بوتگ انت، اے منصوبگ آں چہ روزگار ءِ دو لکھ ءُ پنجاہ ہزار موہ پیداک بنت، پنجاپ ، خیبرپختونخوا، بلوچستان ءُ سندھ ءَ ھوار سرجمیں ملک ءَ جوڑیشتی شوبگ حکومتی آسراتی آں چہ سیت مند بوھگ ءَ انت، کمو آمدنی والا ایں تبک ءَ را اے منصوبگ ءَ چہ نندگ ءِ آسراتی پجاری بنت۔ جوڑیشتی شوبگ ءُ گس ءِ واستہ فنانسنگ ءِ کشک ءَ استیں پینگ آناں دور کتگ ءُ نوں بینک گس ءِ جوڑیشت ءُ جوڑیشتی منصوبگ آنی واستہ آیوکیں سال ءِ واستہ 378 ارب کلدار کنسٹرکشن ءِ شوبگ ءِ واستہ گیشینتگ انت، پگار گروکیں تبک ءِ واستہ کمو ھرچ ءُ درچ ءَ چہ جوڑیشتی منصوبگ آنی واستہ ھم پیکج دیگ بوتگ۔ آئی ءَ گوشت کہ 186 ارب کلدار ءِ پراجیکٹس ایف بی آر ءِ پورٹل ءِ سر ءَ رجسٹرڈ بوتگ انت، کمو ھرچ ءُ درچ ءَ چہ جوڑ بوتگیں گس آنی واستہ 5ءَ بگر تاں 7 درسد ءِ کساس ءِ وام دیگ بنت، کمو ھرچ ءُ درچی گس آنی جوڑیشت ءِ واستہ بینک کمک کنت، اولی فیز ءَ یک لکھ گس آںی جوڑیشت ءِ سر ءَ 3 لکھ کلدار دیگ بیت، مزنیں شہر آنی تہ ءَ نوکیں ماسٹر پلان جوڑ کنگ بوھگ ءَ انت، ماسٹر پلان ءَ چہ سیوریج ءُ آپ ءِ پجاری ءِ استیں پینگ گیوار بنت، کراچی، لاہور ءُ اسلام آباد ءِ ڈیجیٹلائزیشن اگس ءَ تاں سرجم کنگ بیت، سئیں شہر آنی تہ ءَ سرکاری زمین آنی ریکاٹ رد ءُ بند کنگ بیت۔ مزن وزیر ءَ گوشت کہ جوڑیشت ءِ شوبگ ءِ واستہ فیس ٹیکس رجیم ءَ 31 دسمبر 2021 ءَ تاں شاھیگانی دیگ بوتگ۔ ھمے رنگ ءَ منصوبگ آںی گڈی وھد ءُ پاس ءَھم 30 ستمبر 2023 ءَ تاں شاھیگانی دیگ بوتگ، بھا زورگ ءِ واستہ سورس آف انکم ءِ گوشگ ءِ ھوالگ ءَ ھم 2023 ءَ تاں شاھیگانی دیگ بوتگ۔ آئی ءَ گوشت کہ پاکستان ءَ سمارٹ لاک ڈائون ءِ گامگیج سک باز کامیات بوتگ، کوویڈ ءِ جاور ھال آنی رد ءَ جوڑیشت ءِ شوبگ ءَ حکومتی گامگیج آنی سہرا بوھگ ءَ کمو وھد لگ اتگ ھمے ھاترا حکومت ءَ پیکج ءَ کمو وھد لگ اتگ ھمے ھاترا حکومت ءَ پیکج ءَ را شاھیگانی داتگ۔ اے رد ءَ حکومت سرجمیں رنگ ءَ سپورٹ کنت ءُ اے کشک ءَ استیں پینگ آناں دور کنگ بیت، حکومتی گامگیج آنی بدولت ءَ پاکستان ءِ راجدپتر ءَ اولی رند ءَ لس مردم آنی واستہ ھم وتی گس جوڑ کنگ بیت کنت۔ منا بینک آنی نیمگ ءَ ہائوسنگ ءِ منصوبگ آنی واستہ فنانسنگ ءِ سر ءَ سک باز گل ءُ شاتی بوتگ۔
