اسلام آباد۔31دسمبر (اے پی پی): مزن وزیر عمران خان ءِ سروکی ءَ دیمروئی شوبگ ءِ ھمک ھپتگی دیوان ءِ بنگیج کنگ بوت۔ پنچ شمبے ءِ روچ ءَ جاڑی بوتگیں بیان ءِ رد ءَ مزن وزیر ءِ سروکی ءَ دیوان ءَ ھاسیں کمکار ڈاکٹر معید یوسف ءَ سیادی داروکیں وزارت آنی سیکرٹریز ءُ مزن مزنیں اپسرگ آں بھر زوری کت۔ ایشی ءَ ابید چاریں صوبگ آنی چیف سیکرٹریز آں وڈیو لنک ءِ وسیلگ ءَ دیوان ءَ شرک بوت انت۔ مزن وزیر ءَ پنت ءُ شون کت کہ گوستگیں وھد ءَ ڈلگچار بوتگیں شش شوبگ آنی تہ ءَ مزنیں کساس ءَ گہتری کار جاڑی انت ایشاناں اول سرئی رنگ ءَ پد ءُ رند کنگ بوھگ ءَ انت ایشانی تہ ءَ فوڈ سیکورٹی، کشت ءُ کشار، توان، مردمی ھاٹیگ، ڈنی سرمایہ کاری ، پرائیویٹ ٹائزیشن، انفارمیشن ٹیکنالوجی ءُ برآمدی چیز آنی سر ءَ ھاسیں دلگوش ءِ واستہ اکنامک آئوٹ ریچ ھوار انت۔ اے رد ءَ مزن وزیر ءِ سروکی ءَ ھمک ھپگی چار ءُ تپاسی دیون بیت ایشی ءِ اندر ءَ مزن وزیر ءَ وت اے شوبگ آنی ھوالگ ءَ جیڈھ آنی زوتیں گیواری ءِ نگرانی کنت انت۔ اے دیوان ءَ ھمک شوبگ ءِ سر ءَ ھاسیں دلگوشی کنان ءَ مزن وزیر ءَ را جتا جتائیں بریفنگ دیگ بوت۔ پنچ شمبے ءَ برجم بوھوکیں دیوان ءَ مزن وزیر ءَ نیشنل سیکورٹی ڈویژن ءِ نیمگ ءَ تیار کتگیں آن لائن ایگری ڈیش بورڈ ءِ منظوری دات ایش ھمروچگیں وردنی سامان آنی نیاد ءُ دستیابی ءِ راجی ، صوبائی ءُ ضلعی تک ءَ نگرانی کنت انت۔ ڈیش بورڈ ءَ ناں ایوک ءَ پکوئیں ٹک آنی رد ءَ کجام ھم ڈکال ءَ چہ رکھگ ءَ کلیتی کرد پیلو کت کنت بلکینگ ءَ امبار آں چیر دیوک ءُ سیت ءُ نپ کٹوک آنی گر ءُ دار ءَ باز جوان سہرا بیت۔ مزن وزیر ءَ پنت ءُ شون کت کہ آرت، شکر ءُ ڈل ءِ وڑیں سامان کجام ھم گریبیں گس ءِ واستہ سک باز المی انت ایشانی واستہ گامگیج چست کنگ ءَ اچ چک ءُ پد مہ بئے۔ ایشی ءَ ابید برآمدی چیز آنی ودینگ ، درآمدی چیز آنی واستہ ھندی مٹوئی ءِ سامان آںی پٹ ءُ لوٹ ءِ واستہ گامگیج چست کنگ بہ بیت تانکہ کرنٹ اکائونٹ سرپلس ءَ را گیش ودینگ بہ بیت ءُ زرامبار آنی سر ءَ اچ رنگیں زور ءُ بار مہ بیت۔
