اسلام آباد۔ 31 دسمبر(اے پی پی) بنجائی وزیر حوالکاری و شینکاری سینیٹر شبلی فراز پارینے کہ 2020ء جہانی کہول آ مشکل ءُ سال اس ئس۔ کورونا نا دین مچ آ دنیا ٹی جان جوڑی نا نظام و زرگزران تے سرفے۔ پنچ شنبے نادے آ تینا اسہ ٹویٹ اسے ٹی اوپارے کہ وزیراعظم عمران خان نا کماشی ٹی پاکستان دا چیلنج اتون جوان وڑ اٹ مون تس۔ جان جوڑی و زرگزران ہڑتوم آتے اہمیت تس۔ سمارٹ لاک ڈاؤن نا سرسہب حکمت عملی ءِ جہانی کہول آ است بڈی دوئی مس۔ اوپارے کہ وزیراعظم عمران خان جیرت مندانہ فیصلہ غاتے اٹ زرگزرانی گچینی و شونداری کن سہی کنڈانا تعین ءِ کرینے۔ جنوری ٹی بدلی پوسکن آ سال انا مریک و الس نا ویل آتا ایسری کن وزیراعظم عمران خان نا کماشی ٹی فیصلہ کن جہد نا پوسکن آ ریسہ بناکیک۔ ننا فیصلہ و پالیسی نا وت پاکستان نا الس ءِ۔ 2020ء ٹی اپوزیشن ءِ اونا غیر جمہوری چم آک ’’ناک آؤٹ‘‘ کریر، حکومت ءِ بِٹنگ کن جوڑ مروک آ سیوت تینا فائدہ، سوچ و بیانیہ نا گواچی مس، داخہ اخلاقی جیرت مسکہ تو پیپلزپارٹی نا فیصلہ غان پد تینٹ پی ڈی ایم نا تحلیل نا پڑو ءِ کننگاکہ۔ سینیٹر شبلی فراز پارے کہ استیفہ غاتا ڈیڈلائن نن نا 12 بجہ غا چٹنگ والا ءِ۔ ن لیگ انا ہرا اِرا باسک استیفہ تسر، اسپیکر قومی اسمبلی نا کنڈآن پک کننگ کن طلبی تون سلتنو۔
