اسلام آباد۔ 31 دسمبر (اے پی پی) بنجائی وزیر داخلہ شیخ رشید احمد اِرادے ئی دورہ غا پشاور آ روانہ مس ہراڑے او اہم اوڑدہی کیک، وزیر داخلہ طورخم بارڈر نا معائنہ ءِ ہم کیک۔ پنچ شنبے نادے آ وزارت داخلہ نا کنڈآن جاری بیان نا رداٹ وزیر داخلہ شیخ رشید لنڈی کوتل آ ہم کاہک ہراڑے اودے بارڈر مینجمنٹ، اینٹی اسمگلنگ تون اوار ایلو باندات آ حوال تننگک۔ وزیر داخلہ شیخ رشید ایف سی ہیڈ کوارٹر نا دورہءِ ہم کیک و کمانڈنٹ و آئی جی ایف سی تون اوڑدہی کیک۔ وزیر داخلہ شیخ رشید احمد پشاور اٹی (پگہ) جمعہ نادے آ اہم ءُ پریس کانفرنس اس ہم کیک۔ یات سلے کہ وزارت داخلہ نا منصب ءِ سنبھالنگ آن پد شیخ رشید نا دا پشاور نا اولیکو دورہ ءِ۔
