اسلام آباد۔30دسمبر (اے پی پی):پاکستان ءُ جبوتی ءَ تجارت، دود ءُ ربیدگ ءِ شوبگ ءَ دو نیمگی یکوئی آناں گیش برجم کنگ ءِ جزم ءِ درشان کتگ۔ اے جزم آنی درشان چارشمبے ءَ صدر ءِ مملکت ڈاکٹر عارف علوی ءَ جبوتی پارلیمنٹ ءِ صدر ءُ افریقی یونین پارلیمنٹ ءِ ادارکی چیئرمین محمد علی حمید ءِ سروکی ءَ ڈل ءَ ایوان ءِ صدر ءَ گند ءُ نند ءِ ساھت ءَ کت۔ ایوان ءِ صدر ءِ نیمگ ءَ جاڑی بوتگیں بیان ءِ رد ءَ صدر ءِ مملکت ڈاکٹر عارف علوی ءَ گوشت کہ پاکستان ءَ جبوتی ءَ وتی سفارتخانہ پچ کنگ ءُ ایندگر ملک افریقی ملک آنی تہ ءَ سفارتی مشنز آنی جوڑیشیت ءِ پیسلہ کتگ، جبوتی دکہ آنی سر ءَ پاکستان سامان ءِ زوت کلیئرنس آنی واستہ حکومت ءِ جبوتی ءِ کمک پکار انت۔ صدر مملکت ءَ بھارتی مقبوضہ کشمیر ءَ مسلمانیں آباتی آنی ھلاپ ءَ بھارتی ظلم ءُ زوراکی ءُ بنی آدمی ھک آنی لگت مالی آنی ھوالگ ءَ تران کت۔ دوئین آں اے گپ ءِ سر ءَ تپاک کت کہ پارلیمانی ، دود ءُ ربیدگی ءُ دیمپانی ڈل آنی روگ ءُ آیگ ءَ چہ دوئیں ملک آناں گیش نزیک آرگ ءَ کمک رسیت۔
