اسلام آباد۔ 30 دسمبر (اے پی پی) بنجائی وزیر ڈٹ بندی اسد عمر پارینے کہ بروک آ مردم شماری کن پوسکنءُ وڑوڈول اس دوئی کننگک تانکہ دا مردم شماری حقی آبادی نا ڈیک مرے۔ چارشنبے نادے آ وزارت ڈٹ بندی شونداری و اصلاحات اٹی قومی آبادی نا مردم شماری کننگ، جہانی/علاقائی گچین وڑوڈول انا بابت دیوان اس اڈ ہلک۔ اسدعمر نا پارت آ ڈپٹی چیئرمین پلاننگ کمیشن نا کماشی ٹی قومی آبادی نا مردم شماری کننگ، جہانی/علاقائی گچین وڑوڈول آتا جاچ ءِ ہلنگ کن پنچ باسکی ٹیم اس ٹہیفنگا۔ داوخت آ اسد عمر پارے کہ ننے دا پک کروئی ءِ کہ بروک آ مردم شماری نئے بیرہ درست حساب وکتاب آ مرے بلکن غٹ ڈیہہ و اسٹیک ہولڈر آتا پت ہم دوئی مرے۔ بروک آ مردم شماری کن پوسکن ءُ وڑوڈول اس دوئی کننگک تانکہ دا مردم شماری حقی آبادی نا عکاس مرے۔ پنچ باسکی کمیٹی درست حساب وکتاب کن سلاہ، وخت آ و قابل پت نتیجہ غاتا فراوانی، ڈیٹا یکجا کننگ نا وڑڈول نا جاچ ءِ ہلنگ، پوسکن آ ازباب و ٹیکنالوجی ءِ دوئی کننگ نا سلاہ و اُرائی کہول اسکان مردم شماری نا انفرادی وڑوڈول آتا جاچ ءِ ہلیک۔ اوپارے کہ کمیٹی غٹ اسٹیک ہولڈر آتا پت سازی نا گام گیج آتیکن حکمت عملی اس مرتب کیک۔ کمیٹی ٹی محمد احمد زبیر، چیف ماہر معشیات، محمد سرور گوندل، باسک(سپورٹ سروسز) پی بی ایس، ڈاکٹر جی ایم۔ عارف، پنی آ ڈیمو گرافر، ڈاکٹر محمد نظام الدین، پنی آ ڈیموگرافر و نادرا نا نمائندہ غاک اوار ءُ۔
