اسلام آباد۔ 30 دسمبر (اے پی پی) قومی احتساب بیورو (نیب) ہڑدے ئی دی نیوز و ہڑدے ئی جنگ اٹ 30 دسمبر 2020 آ شینک خبر بعنوان’’نیب جاست وپاست آ کنٹرولز جنرل اکاؤنٹس خرم ہمایوں خودکشی کرے‘‘ نا تردید ءِ کرسا تعلقدار خبر ءِ بے بنداو، سٹی، گمراہ کن و جنگ پڑک نا کنڈآن نیب انا برخلاف جاری پروپیگنڈہ مہم نا چرجوئی نا بشخ اس گوندسا خرم ہمایوں نا نیب انا سوب آن خودکشی نا تاثر ءِ سختی اٹ مسترد کرسا پارینے کہ ہڑدے ئی جنگ 30 دسمبر 2020ء آ ہڑدے ئی دی نیوز اٹ شینک خبر اٹ نیب انا موقف ءِ صحافتی بددیانتی نا عملی درشانی کرسا نئے بیرہ یکسر بدل کرسا شینک کننگ نا نوٹس ءِ ہلسا ہڑدے ئی جنگ و ہڑدے ئی دی نیوز نا 30 دسمبر 2020نا اخبارات بطور شاہدی شرفمند آ احتساب عدالت اسلام آباد اٹ زیر سماعت ریفرنس آ عملی وڑاٹ اثرانداز مننگ و راستکی تے چشوک کننگ نا بنداو آ کانود نا رداٹ کارروائی نا درخواست دائر کننگ نا فیصلہ کرینے ہراڑے کانود تینا کسر ءِ تینٹ اختیار کیک۔ نیب اعلامیہ نا رداٹ خرم ہمایوں بے نظیر انکم سپورٹ پروگرام اٹ ڈائریکٹر جنرل نا عہدہ غا تعینات ئس۔ نیب ءِ بے نظیر انکم سپورٹ پروگرام اٹ وڈی خوری نا غاو شرفمند آ سپریم کورٹ آف پاکستان نا انسانی ٹرانسپرنسی انٹرنیشنل پاکستان نا کنڈآن HRC No. 16792-S of 2013حق انا سیل آن بحوالہ نمبر آن 2013 وخت اس کہ بے نظیر انکم سپورٹ پروگرام نا ہمووخت انا سیکڑٹری سرکاری وڑاٹ بے نظیر انکم سپورٹ پروگرام اٹ وڈی خوری نا نیب ءِ غاو ریفر کرے۔ ہرافتیا نیب کانود نا رداٹ 2014ء ٹی بے نظیر انکم سپورٹ پروگرام اٹ وڈی خوری نا کیس اٹ جاست وپاست نا بناءِ کرے۔ نیب جاست وپاست جناب جسٹس جاوید اقبال نا 2017 ٹی نیب چیئرمین نا عہدہ ءِ سنبھالنگ آن کیہی سال مست بناکریسس۔ نیب خرم ہمایوں ءِ کانود نارداٹ تینا موقف ءِ تننگ کن 23-7-2018آ کم و ود 2 سال مست نیب راولپنڈی ٹی بٹنگا و اونا بیان ءِ ریکارڈ کرے۔ نیب راولپنڈی ٹی خرم ہمایوں نا عزت نفس اناپورو خیال ءِ تخنگا۔ داہیت ذکر انا قابل ءِ کہ نیب مئی 2020ء ٹی کم و ود 7 تُو مست بے نظیر انکم سپورٹ پروگرام اٹ وڈی خوری نا بابت 19 دوبہ دار آتا برخلاف شرفمندآ احتساب عدالت اسلام آباد اٹ 1.467 ارب روپئی مالیت نا ریفرنس دائر کرے ہراکہ داوخت آ سماعت اٹی ءِ۔ ہراڑے خرم ہمایوں تینا بے گناہی ءِ ثابت کننگ نا بابت ہچ ءُ درخواست اس دائر کتویسس۔
