صدر مملکت ڈاکٹر عارف علوی تون انٹر پرینیورز آرگنائزیشن نا ڈل انا اوڑدہی

اسلام آباد۔ 30 دسمبر (اے پی پی) صدر مملکت ڈاکٹر عارف علوی پارینے کہ حکومت کاروباری بشخ انا شونداری کن بریبری نا کہول آ وارخواہی ودی کننگ کن گام گیج کننگ ءِ، جہانی منڈی تا بدل مروک آ حالیت آتون مون تننگ و زرگزرانی فائدہ دوئی کننگ کن جہانی رجحان تا رداٹ حکمت عملی اس تینا کروئی مریک۔داخیال آتا درشانی ءِ او انٹرپرینیورز آرگنائزیشن ای او نا ڈل اتون گپ وتران کرسا کرے۔ صدر عارف علوی پارے کہ حکومتی اصلاحات و پالیسی تا سوب آن پاکستان نا کاروباری چاگڑد اٹ گچینی بس۔ کاروبار کننگ اٹ آسانی نا جہانی درجہ بندی ٹی پاکستان نا پوزیشن 28 درجہ سوگو مس، اوپارے کہ حکومت کورونا نا دین اٹی کاروباری تپہ نا ریلیف کن زرگزرانی پیکج نا پڑو ءِ کرے، ای او پاکستان نا برآمد آتے ودفنگ و جہانی منڈی تسکان رسینگ ءِ ودفنگ اٹ تینا کڑد ءِ ادا کے، صدر عارف علوی پارے کہ راج انا محروم و نزور تپہ بشمول خصوصی بندغ آتا آسودہی کن کاریم کروئی مریک، کاروباری تپہ زالبول و بندغ آک باہم معذوری ءِ روزگار نا فراوانی کن گام گیج کیر، جہانی منڈی تا بدل مروک آ حالیت آتون مون تننگ و زرگزرانی فائدہ غاتا دوئی کننگ کن جہانی رجحان تارداٹ حکمت عملی اس تینا کروئی مریک۔