وزیراعظم نا ویژن ’’کس اس بین آن کسپک‘‘ آ عملدرآمد کن غٹ وسیلہ غاتے کاریم اٹ اتینہ، بنجائی وزیر حوالکاری سینیٹر شبلی فراز

اسلام آباد۔ 29 دسمبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ وزیراعظم نا ویژن ’’کیس اس بین آن کسپک‘‘ آ عملدرآمد کن غٹ تر وسیلہ غاتے کاریم اٹ اتینہ، وزیراعظم عمران خان نا کماشی ٹی الس نا راجی آسراتی نا ایجنڈا غا عمل کننگ اُن۔ چارشنبے نادے آ تینا ٹویٹ اٹی بنجائی وزیر حوالکاری سینیٹر شبلی فراز پارے کہ حقدار بندغ آک وزیراعظم نا است آن بھاز خڑک ءُ، حکومت نا کنڈآن پناہ گاہ و لنگرخانہ غاتا جوڑ کننگ ہندا چرجوئی نا کڑی اسے۔